Fitch халқаро рейтинг агентлиги Ўзбекистоннинг суверен кредит рейтингини BB- (барқарор кутилма) даражада тасдиқлади.
Ўзбекистоннинг нисбатан паст давлат қарзи туфайли рейтинг шундай барқарор даражада сақланиб қолмоқда.
Шунингдек, катта фискал ва ташқи буферлар, ялпи ички маҳсулотнинг юқори ўсиш тенденцияси ва иқтисодиётни либераллаштириш бўйича ислоҳотларнинг ривожланиши рейтингга таъсир ўтказади.
Мутахассислар мазкур рейтингни тузишда иқтисодий активликни яхшироқ ўзида акс эттириши учун ЯИМ бўйича расмий маълумотларни шу ой бошида қайта кўриб чиққан.
Унга кўра, иқтисодий фаоллик 2023 йилга қараганда 11,8% га ўсган.
Мамлакатдаги қурилиш ва ресторан соҳасида қайд этилган юқори фаоллик ҳам эътиборга олинган.
Fitch Ratings мутахассислари Ўзбекистонда давлат молиявий бошқаруви мустаҳкамланганини ҳам эътироф этган.
“ЯИМ 2024 йилнинг биринчи ярмида 6,4 фоизга ўсди, бу инвестициялар ва реал ўсишнинг 8,6 фоизга ўсишига ёрдам берди. Биз йиллик ўсиш 6,2 фоизни ташкил қилишини прогноз қиламиз”, дейилади ҳисоботда.
Мутахассислар ислоҳотлар ва бошқарув соҳасидаги тараққиётни ҳам қайд этган.
“Сўнгги йилларда иқтисодий ислоҳотларда сезиларли ютуқларга эришилди, шу жумладан, ўтган йили Ипотека банк хусусийлаштирилди, 2023 йил октябрь ойида юридик шахслар учун, 2024 йилнинг май ойидан эса уй хўжаликлари учун энергия нархлари оширилди.
Яна иккита йирик банк — Асака ва СҚБни хусусийлаштириш режалари секинроқ бўлса-да давом этмоқда. Ўзбекистоннинг Жаҳон банки бошқаруви бўйича умумий рейтинги 2020 йилдан буён 9,6 фоизга яхшиланди ва ЖСТга аъзо бўлиш бўйича музокаралар тезлашди”, дейилади Fitch Ratings ҳисоботида.
Изоҳ (0)