Жиззах вилояти Зомин туманидаги деҳқон хўжалиги электр энергиясидан ноқонуний фойдалангани аниқланди. Бу ҳақда Бош прокуратура матбуот хизмати хабар берди.
Маълум қилинишича, “С.Р.” фермер хўжалиги раҳбари Х.Н. хўжаликка тегишли ер майдонларини суғоришга мўлжалланган сув насосини тармоққа ўрнатилган ҳисобга олиш ускунасини уланиш схемаларини ўзгартириш йўли билан ташқи таъсир кўрсатиб, улаб олган.
Бунинг натижасида жами 1 миллиард 395 миллион сўмлик 622,6 минг кВт соат электр энергиясини ўғирлаган.
Мазкур ҳолат юзасидан “С.Р.” фермер хўжалиги раҳбари Х.Н. га нисбатан Жиноят кодексининг 169-моддаси 4-қисми “а” банди (жуда кўп миқдорда ўғрилик) билан жиноят иши қўзғатилиб, гумонланувчи шахс процессуал тартибда ушланган.
Ушбу моддада белгиланган жиноятни содир қилганларга нисбатан кодексда 8 йилдан 15 йилгача озодликдан маҳрум қилиш жазоси кўзда тутилган.
Изоҳ (0)