Тошкент метросида қизнинг белидан паст қисмини ушлаб, шаҳвоний шилқимлик қилган эркак уч суткага қамалди. Бу ҳақда пойтахт судлари ахборот хизмати “Дарё”га хабар берди.
![](/static/2024/08/22/metro--pf_dkOb.jpg)
Унга кўра, 26 июль куни фуқаро “Амир Темур” бекати электрпоезди ичида қизнинг белидан паст қисмини ушлаб унга шаҳвоний шилқимлик қилганликда айбланган. Суд мажлисида ҳуқуқбузар ўз айбига иқрорлигини, қизнинг белидан пастига қўли кетиб қолгани, бироқ бу каби ҳаракатни қасддан қилмаганини билдириб, суддан унга нисбатан енгиллик беришни сўради.
Эркак Маъмурий жавобгарлик тўғрисидаги кодекснинг 411-моддаси 1-қисмида назарда тутилган ҳуқуқбузарликни содир қилганликда айбдор деб топилди ва унга ушбу моддага асосан уч сутка маъмурий қамоқ жазоси тайинланди.
Аввалроқ Тошкент вилояти Нурафшон шаҳрида 60 ёшли эркак 6 ёшли қўшнисига тегажоғлик қилганликда айбланаётгани ҳақида хабар берилганди. Шунингдек, Андижонда мактаб директори ўринбосари ўқувчи қизларга тегажоғлик қилаётгани айтилган, Тошкентда метро вагонида нотаниш қизга тегажоғлик қилган эркак беш суткага қамалган эди.
Изоҳ (0)