“Ўзэнергоинспекция” Қашқадарё вилояти ҳудудий бошқармаси томонидан ўтказилган назорат тадбирида Қарши тумани “Наврўз” МФЙда фаолият юритаётган автомобилларга ёнилғи қуйиш шахобчаси масъул шахслари электр ҳисоблагични ўзбошимчалик билан алмаштириб, дастурга киритмагани аниқланди.
Бу ҳақида “Ўзбекистон Миллий электр тармоқлари” АЖ хабар берди.
Ушбу қоидабузарлик бўйича дастлабки ҳисоб-китобларга кўра, 1 миллиард 85 млн сўм миқдоридаги ҳисобга олинмаган электр энергияси қайта ҳисоб-китоб қилинди.
“Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди”, дейилади хабарда.
Изоҳ (0)