Германиялик ярим ҳимоячи Илкай Гюндоган фаолиятини Қатарда давом эттириши мумкин.
“Ас-Садд” “Барселона” ярим ҳимоячисига уч йиллик шартнома таклиф қилди, деб хабар беради Mundo Deportivo TV3 телеканалига таяниб. Футболчи бу таклифни кўриб чиқишини айтган.
Маълум қилинишича, 33 ёшли футболчи бу вазиятдан фойдаланиб, “Барселона” билан шартномаси шартларини яхшилаш ҳамда ўз маошини ошириб кўришга уриниб кўриши мумкин. “Барселона” клубининг молиявий аҳволи ҳозирги пайтда бирор футболчининг ойлигини ошира олиш имкониятига эга эмас.
Илкайнинг Каталония клуби билан шартномаси 2025 йилгача мўлжалланган ва клуб шартномани бир мавсумга узайтириш имкониятини сақлаб қолади.
Изоҳ (0)