“Олимпик” жамоаси ҳужумчиси Алишер Одилов легионерга айланиши мумкин. Бу ҳақда Championat нашри хабар бермоқда.
Футболчи “Олимпик” билан машғулотларда иштирок этаётган эди. Алишер Одиловнинг вакиллари Ҳожимат Эркинов тўп тепадиган БААнинг “Ал-Ваҳда” клуби билан фаол тарзда музокаралар олиб борган, аммо охирги паллада вазият умуман бошқа тарафга ўзгариб кетгани маълум қилинди.
Championat сайти футболчининг ўзи билан боғланганида, Одилов Россияга учиб кетиши ва тиббий кўрикдан ўтиши, агар ҳаммаси кўнгилдагидек бўлса “Химки” жамоаси билан шартнома имзолаши мумкинлигини айтган.
Маълумот учун, “Химки” жорий мавсум Россия чемпионатида 5 ўйиндан кейин 5 очко билан турнир жадвалининг 10-поғонасида бормоқда.
Изоҳ (0)