Замонавий Туркияда ёш аёллар тобора касбий маҳоратга эришиш, сифатли таълим олиш ва молиявий мустақил бўлишга интилмоқда. Қуйидаги турк актрисалари ҳам шахсий мақсадлар ва касбий фаолиятини фарзандли бўлишдан устун қўяди ва буни жамиятдан яширмайди.
Небаҳат Чеҳре
“Муҳташам юз йил” сериалида Айше Ҳафса — султон волидаси ролини ижро этган 80 ёшли турк актрисаси улуғ ёшга етса ҳам доимо гўзал кўринишда. Унинг шоу-бизнес оламига саёҳати гўзаллик танловидан бошланди. Небаҳат Чеҳре икки марта турмушга чиққан, аммо иккала турмушида ҳам бахтли бўла олмаган. Унинг турмуш ўроғи актрисанинг машҳурлигини ёқтирмас, ишлашга тақиқ қўяр ва ҳатто калтакларди. Интервьюлардан бирида Небаҳат ёшлигида ҳомиладорлигини бир неча бор сунъий равишда тўхтатганини тан олган.
Актриса ўз ишини шунчалар яхши кўрар эдики, болалар бунга тўсқинлик қилишидан қўрқарди. Небаҳат карьерасини хавф остига қўйишни истамади ва ўзини бутунлай кинога бағишлашга қарор қилди. Актриса сўзларига кўра, иш фаолиятининг ўзи Чеҳре учун бир фарзанддир ва у насл қолдиришдан бош тортганига ҳеч қачон афсусланмайди.
Гулчин Сантиржиўғлу
“Қўрғон сирлари” турк мелодрамаси юлдузи, 47 ёшли актриса Гулчин Сантиржиўғлу сериалда Ферит отасининг севгилиси, бева аёл Ифакат ролини ўйнаган. Измирлик актриса мусиқа соҳасида таҳсил олган, у Докуз Эйлул университети консерваториясининг опера қўшиқчилиги факультетини тамомлаган ва бир неча йил вокал ўқитувчиси бўлиб ишлаган. Актриса кўплаб муваффақиятли лойиҳаларда иштирок этган ва бир неча йилдан бери бахтли ҳаёт кечириб келмоқда. Унинг турмуш ўртоғи машҳур турк ёзувчиси Утку Башязижи бўлиб, улар фарзанд кўришни хоҳламаслигини ҳеч қачон яширмаган. Актриса ҳар доим ўз фикрини тўғридан тўғри айтади: “Биз икки кишидан иборат оиламиз ва жуда бахтлимиз”.
Сантиржиўғлу асосий вақтини суратга тушиш ишлари, саёҳат қилиш, испан тилини ўрганиш ва шахсий ривожланишга сарфлайди. Гулчин интервьюларда фарзанд кўрмаслик қарори турмуш ўртоғи билан биргаликда келишилганини ва танқидий фикрларга ҳеч қачон эътибор бермаслигини таъкидлайди.
Эврим Алася
-FQ2eR4Ey.jpeg)
“Клюква шарбати” сериали юлдузи Эврим Алася 2 август куни 45 ёшни қарши олади. Актриса ҳеч қачон расман турмушга чиқмаган. Аммо унинг шахсий ҳаёти ҳақида кўплаб миш-мишлар пайдо бўлиб туради. Бир вақтлар у Халук Билгинер билан муносабатда бўлган, шу сабабли унинг рафиқаси актёр билан ажрашишга қарор қилган. Алася бу воқеаларни доим рад этиб келган ва Халук унинг дўсти, устози, отаси каби яқин инсони эканини айтган.
Эврим Алася ҳаётида ҳозирда севимли инсони борлигини ва улар турмуш қуриши мумкинлигини яширмайди. Бироқ унинг исми оммага ошкор қилинмаган. У фарзандли бўлиш мавзусида сўзлашишни ёқтирмайди. Актриса бир неча марта карьера биринчи ўринда туришини таъкидлаб ўтган.
Дениз Байсал
-72MNIsuV.jpeg)
33 ёшли актриса аллақачон кинода оламида муваффақият қозониб бўлган. У “Фазилат хоним ва қизлари”, “Қочқин келинлар”, “Ваъда”, “Оталар ва ўғиллар” каби машҳур сериалларда роль ўйнаган. 2019 йилда таниқли мусиқачи Бариш Юртжуга турмушга чиқди. Журналистларнинг доимий саволларидан чарчаган Дениз турмуш ўртоғи иккиси фарзанд кўришни хоҳламаслигини расман эълон қилди.
Юқорида тилга олинган актрисалар фарзанд кўришни истамаслигини шахсан эълон қилган. Баъзи турк нашрлари Берен Саат, Бирже Акалай ва Гёзде Кансу каби актрисаларни ҳам чайлдфри аёллар сафига киритади.
Изоҳ (0)