АҚШнинг Иллинойс штатидаги мактабнинг умумий овқатланиш хизматлари собиқ директори 9 йилга қамалди. Аёл 1,5 миллион долларлик товуқ қанотчаларини ўғирлашда айбдор деб топилди. Бу ҳақда АBC 7 Chicago хабар берди.
66 ёшли Вера Лидделл Ҳарви округидаги 152-сонли мактаб ўқувчилари учун озиқ-овқат сотиб олган. Ушбу лавозимдан фойдаланиб, у фирибгарлик схемасини ташкил қилган. 2020 йилдан 2022 йилгача аёл маҳаллий таъминотчидан товуқ қанотчаларини буюртма қилган, аммо натижада маҳсулотлар мактаб ўқувчиларига етиб бормаган.
“Оммавий фирибгарлик COVID-19 авжига чиққан пайтда, ўқувчиларга мактабда жисмоний иштирок этишга рухсат берилмаганда бошланган. Болалар масофадан ўқиганига қарамай, мактаб округи ўқувчиларни оилалари олиб кетиши мумкин бўлган озиқ-овқат билан таъминлашни давом эттирган”, дейилади суд ҳужжатларида.
Текширув давомида Лидделлнинг жиноий схемаси фош этилган. Аудит шуни кўрсатдики, мактабнинг озиқ-овқат хизмати бўлими ўқув йилининг ярми тугаган бўлса-да, йиллик бюджетини 300 минг доллардан оширган.
Округ иш бошқарувчиси товуқ қанотчалари учун ҳисобларни аниқлаган, аммо суд ҳужжатларида айтилишича, бу таом одатда мактаб ўқувчиларига тортилмайди, чунки унинг суяклари бор. Лидделл қанотчаларни бошқа озиқ-овқатлардан алоҳида буюртма қилиб, мактаблардан бирининг фургонида олиб кетган. Икки йил ичида аёл 11 минг қути товуқ оёқчаларини ўғирлаган.
Изоҳ (0)