Икки йилдан кейин бойиб кетасиз: Роберт Киёсакидан пулни кўпайтириш бўйича тавсиялар

Таниқли тадбиркор, инвестор ва дунёдаги энг машҳур молиявий саводхонлик ҳақидаги китоблардан бири — “Бой ота, камбағал ота” асари муаллифи Роберт Киёсаки миллионлаб одамларнинг пул ҳақидаги фикрини ўзгартирган. У ҳар ким молиявий чекловлардан чиқа олиши ва кўпроқ пул топа олиши учун ёрдам берувчи маслаҳатларни айтиб ўтди. Роберт сўзларига кўра, бой бўлишнинг асосини молиявий саводхонлик ташкил қилади.

Пул ва ҳукмронлик

Киёсаки айтганидек, куч бу — ҳукмронликнинг бир тури, бироқ ҳақиқий куч пулнинг миқдорида эмас, балки уни қандай бошқаришдадир. Пулдан қандай фойдаланишни билсангиз ҳамда унинг оқимини назорат қилсангизгина, бойлигингиз ошиши мумкин.

Молиявий саводхонлик муваффақият калитидир

Молиявий саводхонлик деганда пулнинг қандай ишлашини тушуниш, қандай инвестиция қилиш, таваккалчилик ҳамда оқилона молиявий қарорлар қабул қилиш тушунилади. Молиявий саводхонлик ҳатто энг қийин иқтисодий вазиятлар ва инқирозларда ҳам бозорни тушуниш ва назорат қилишга ёрдам беради.

Мазкур билим нафақат кўпроқ даромад олиш, балки шахсий жамғармаларни сақлаб қолиш ва уларни кўпайтириш имконини беради. Муаллиф таъкидлаганидек, билимсиз молиявий эркинликка эришиб бўлмайди.

Молиявий саводхонликнинг асослари

Актив ва пассив мулкни фарқлаш

Иш қилиш ва даромад олиш учун вақт ёки ҳаракат сарфлашингизни талаб қиладиган актив ҳамда минимал вақт сарфлаш билан пул оқими ҳосил қиладиган активни ажрата олиш лозим. Киёсаки даромад келтирадиган активлар ва пулларингиз камайишига олиб келадиган харажатлар — пассивларни фарқлаш ва улардан қочишга уринишни тавсия қилади.

Сармоя киритиш

Молиявий саводхон шахслар инвестицияларнинг ҳар хил турлари — акциялар, облигациялар, кўчмас мулк ва бошқалар ҳақидаги билимларга эга. Инвестиция киритишни ўрганиш сиз ҳатто уйқуда бўлсангиз ҳам, пассив даромад манбаларини яратишга ёрдам беради.

Хавфларни бошқариш

Хавф-хатарларни бошқариш деганда эҳтимолий хавфларни аниқлаш, баҳолаш ва уларнинг бизнесга таъсирини камайтириш учун проактив стратегияларни ишлаб чиқиш жараёни тушунилади.

Ҳар қандай молиявий фаолият турли хавфларни ўз ичига олади. Киёсаки сўзларига кўра, мумкин бўлган йўқотишларни минималлаштириш ва фойдани кўпайтириш учун хавфларни бошқара олиш лозим. Натижада кутилмаган ҳодисалардан зарарни чеклаш ва узоқ муддатли барқарорликни таъминлаш имконини қўлга киритасиз.

Солиқни режалаштириш

Солиқларни самарали режалаштириш солиқ харажатларини оптималлаштириш, корхонанинг фойдасини ошириш ҳамда ишлаб чиқаришни янада такомиллаштириш имконини беради ва молиявий саводхонликнинг асосий таркибий қисми ҳисобланади. Солиқни режалаштириш ишлаб топган пулингизни кўпроқ тежайди ва ундан самарали фойдаланишга ёрдам беради.

Молиявий режалаштириш

Бюджетларни ишлаб чиқиш, харажатларни назорат қилиш ва молиявий мақсадларни белгилаш молиявий мустақилликка эришишнинг асоси ҳисобланади.

Хулоса қилиб айтганда, молиявий саводхонлик, шахсий молиявий бошқарув, кирим-чиқим ва инвестицияларни бошқаришни билиш ва молиявий кўникмаларни амалда қўллаш ёрдамида жамият янада бой бўлади ва мамлакат иқтисодиёти ривожланишига ўз ҳиссасини қўшади.