Қайси ота-она фарзандининг келажакда бой ва муваффақиятли бўлишини хоҳламайди дейсиз? XXI асрда ота-оналарнинг энг муҳим вазифаси фарзандларини замонавий ҳаёт шароити ва талабларига тайёрлашдир.
Ҳар бир ота-она фарзандини пул билан ўзаро муносабатларнинг тўртта муҳим босқичидан ўтказиши керак:
- Ишлаш;
- Ишлаб топиш;
- Пул йиғиш;
- Пулни кўпайтириш.
Ишлашни ўргатинг
Биринчи босқичда болани ишлашга ўргатишни имкон қадар эрта бошлаш керак. Ушбу босқичда болангизга пул оқимининг чекловларини, шунингдек, ҳаракатлар ва натижалар ўртасидаги муносабатни кўрсатиш муҳимдир. Болалар онгида ота-онасининг пуллари ҳеч қачон тугамайди, улар ҳаракатлар ва сарфланиши мумкин бўлган пул миқдори ўртасидаги муносабатни кўрмайди. Бола пулнинг чекланганлигини ва агар ишламаса, пул ҳам бўлмаслигини тушуниши керак.
Фарзандингизга овқатлантириш, кийиниш ва боланинг асосий эҳтиёжларини тўлиқ таъминлаш сизнинг масъулиятингиз эканлигини тушунтиринг. Бу ҳолат унинг руҳий саломатлиги учун жуда муҳим бўлган хавфсизлик, ишонч ва барқарорлик майдонини яратади.
Шуни эсда тутиш керакки, пул хавфли мотиватордир. Агар нотўғри ишлатилса, улар демотивацияга олиб келиши мумкин. Мисол учун, ҳеч қачон болангизга бажарган уй ишлари учун пул тўламаслигингиз керак, чунки бу унинг уйдаги вазифаси. Аммо панжара ёки девор бўяшга ёрдам берса, уни моддий жиҳатдан мукофотлаш мумкин. Чунки бундай ишлар боланинг вазифасига кирмайди.
Эътибор беринг, ушбу босқичнинг асосий вазифаси болани ишлашга ўргатиш эмас, балки пул нима эканлигини имкон қадар эрта тушуниши ва молиявий оқимни бошқаришни ўзлаштириши учун сабаб-оқибат муносабатларини ўрнатишдир.
Пул ишлаш йўлларини ўргатинг
Иккинчи босқичда ота-оналарнинг асосий вазифаси фарзандига пул ишлашни ўргатишдир. Унинг тадбиркорлик руҳини ривожлантириш, имкониятларни кўришга ўргатиш керак. Мисол тариқасида, ҳар доим иш топиш мумкинлигини, аммо даромадни доимий равишда ошириш ва имкониятларни кенгайтириш имконини берадиган маблағларни топиш муҳимлигини тушунтириш керак.
Сарфлаш ва тежашни ўргатинг
Пул топиб, уни кейинги ривожланиш учун сақлаш муҳимдир. Учинчи босқичда фарзандингиз билан қашшоқликка олиб борувчи учта асосий муаммони кўриб чиқишингиз мумкин:
- қарз тўлаш билан ўтадиган ҳаёт;
- тежамкорликнинг етишмаслиги;
- сарфлаганингиздан сўнг яна ҳеч вақосиз қоладиган пул йиғиш.
Ушбу босқичда болага пул ишлаб топгандан сўнг, бир мунча вақт сарф-харажатларни кўпайтирмаслик кераклигини, балки капитал яратиш ва пулни кўпайтириш кераклигини кўрсатиш муҳимдир.
Пулни кўпайтиришни ўргатинг
Кўпайтириш босқичида болангизга ишлаб топган ва йиғилган пулни қандай бошқаришни, уни бошқа соҳаларга инвестиция қилишни ўргатиш керак. Болангиз нима учун ўқиётганини ва охирида нима олишини тушуниши керак. Шунда у пулни тежаш чеклаш шакли эмас, балки эркинлик сари йўл эканлигини тушунади, чунки қўйилган капитал узоқ вақт давомида амалда ишлайди ва даромад келтиради. Асосий молиявий саводхонлик шунда кўринади.
Натижада бола ўз капиталини онгли равишда бошқаради. Мақсадларни тушуниш ва уларга эришишга ёрдам берадиган воситаларни кўриш болани молиявий саводхон қилади. Пул топиш, тежаш ва бошқариш қобилияти унга масъулиятли, мустақил ва муваффақиятли бўлишга ёрдам беради.
Изоҳ (0)