“Хитой АҚШнинг шахсий ҳудудида унга таҳдид қилмоқда” — эксперт

Шу ҳафтада Россия ва Хитой стратегик бомбардимончи самолётлари Америка қитъасининг шимоли-ғарбий қисмида Аляска қирғоқларида пайдо бўлди, дея Bild хабар берди.

Bild ҳарбий кузатувчиси Юлиан Рйўпкенинг қайд этишича, Хитой бомбардимончи самолётлари АҚШ қирғоқларига учиш учун биринчи марта Россия материкидан фойдаланган.

Шу тарзда уларнинг парвоз масофаси уруш ҳолатида АҚШ ва Канадага тўғридан тўғри таҳдид қилиш учун етарли бўлиб чиқди, дейилади хабарда.

Тўртта Тy-95 ва Huan H-6 бомбардимончи самолётлари бешта америкалик ва канадалик қирувчи томонидан тутилиб, ҳаво ҳужумидан мудофаа идентификация зонасидан чиқариб юборилгунга қадар Аляска қирғоқларидан 300 километр узоқликда парвоз қилган.

Бу мазкур икки давлатнинг биринчи марта бу тарзда бирга учиши. Агар шундай ҳолат яна такрорланса, биз шай бўлишимизга ишончим комил, дея таъкидлаган АҚШ мудофаа вазири Ллойд Остин.

Билд нашрига берган интервьюсида Хитой бўйича эксперт Якуб Янда Пекин шу тарзда ўз кучларини намойиш қилганини айтган.

Хитой сувости кемалари Сан-Франциско атрофида айланганга ўхшайди. Хитой АҚШнинг шахсий ҳудудида унга таҳдид қилмоқда. Хитой мазкур ҳаракатлари билан гўёки “Мана, сиз Тайванда бизнинг ички ишларимизга аралашяпсиз, биз ҳам сизнинг ватанингизга жуда яқин бўлишимиз мумкин”, деб айтмоқда. Хитой ўзининг қўғирчоқ иттифоқчилари – Россия, Шимолий Корея ва Эрон билан диктатуралар ўқининг бошида турибди, дейди эксперт.

Экспертнинг фикрича, Хитой Россияга базалар, ҳарбий самолётлар ва кемалар эвазига пул, сиёсий ёрдам ва технология тақдим этади.