Исроил ҳарбийлари Ғазодаги мактабга 27 июль куни уюштирган ҳужум оқибатида камида 30 нафар фаластинлик ҳалок бўлди. Бу ҳақда CNN нашри хабар берди.
![](/static/2024/07/27/getty-Q1TvsITN.jpg)
Ғазо Соғлиқни сақлаш вазирлиги ва фуқаролик мудофааси ташкилотлари ҳужумни тасдиқлаган. Ҳарбийлар ҳеч қандай огоҳлантиришсиз ҳужумга ўтгани учун тинч аҳоли орасида кўплаб қурбонлар бўлгани маълум қилинган.
Исроил ҳужуми Ғазо шаҳридан жанубдаги Дайр-ал-Балаҳ ҳудудида рўй берган. Дастлаб ҳарбий самолётлар, сўнгра қуруқлик бўлинмалари мактаб ҳудудига бомбалар улоқтирган.
Ҳужум оқибатида камида 30 киши ҳалок бўлгани тасдиқланган. Яна 100 дан ортиқ фаластинлик асосан ўрта ва оғир даражадаги жароҳат билан касалхоналарга олиб кетилган.
![](/static/2024/07/27/getty2-xwxxv-ZS.jpg)
Исроил ҳарбийлари йўқ қилинган мактаб ҳудудида ҲАМАС қўмондонлик ва назорат маркази бўлганини айтган. Ҳалок бўлганлар ҳам ташкилотга аъзо бўлган “террорчилар” экани хабар қилинган.
Ал-Ақсо шифохонаси матбуот котиби, доктор Халил ал-Дақронга кўра, ҳужумда асосан аёллар ва болалар ҳалок бўлган. Жасадларда тана қисмларининг кучли даражада эзилиши, кучли қон йўқотиш, суякларнинг парчаланиши ҳолатлари кузатилган.
Изоҳ (0)