Исроил армияси қўмондонлиги Ғазо сектори жанубидаги гуманитар зонанинг бир қисмидан тинч аҳолини эвакуация қилишга буйруқ берди. Бу ҳақда BBC хабар қилди.
Сўнгги икки ҳафта ичида Исроил ушбу ҳудудга бир неча бор ҳаво ҳужумларини амалга оширди, оқибатда жами 90 нафар тинч фаластинлик ҳалок бўлди. Бу маълумотларни мустақил равишда тасдиқлаш мумкин эмас. Исроил зарбалар ҲАМАСнинг ҳарбийлашган қисмига қаратилганини даво қилмоқда.
Эндиликда яҳудий давлати армияси ушбу ҳудуддаги операциянинг қуруқликдаги босқичига ўтишга ҳозирлик кўрмоқда. Гуманитар зона 2023 йил октябрь ойида ҲАМАСнинг Исроилга ҳужумига жавобан яҳудий давлати операциясининг бошидаёқ армия томонидан белгиланган. У ерда шу пайтгача ҳеч қандай жанговар ҳаракатлар бўлмаган ва гуманитар ёрдам кўрсатилган. Ғазонинг шимолий қисмида яшовчи фаластинликлар ҳам ушбу зонага кўчирилган эди.
Исроил ҳарбийларига кўра, ҳозирда ҲАМАС жангчилари хавфсиз ҳудуд ҳисобланган Хон Юнис чеккасида жойлашган. У ердан Исроил армиясига қарши ракета ва артиллерия отишмалари олиб борилмоқда. Яҳудий давлати гуманитар ҳудуд чегараларини Ал-Мавасигача қисқартириб, аҳолини шу йўналишга эвакуация қилишга қарор қилган.
Изоҳ (0)