Сўнгги 20 йил ичида 65 ёшдан ошган одамларнинг ҳаво ҳарорати кўтарилиши билан боғлиқ ўлими 85 фоизга ошди. Бу ҳақда БМТ бош котиби Антониу Гутерриш маълум қилди.
“Термометрларнинг кўтарилишидан энг кўп азият чекаётганлар шаҳарлардаги кам таъминланганлар, ҳомиладор аёллар, имконияти чекланганлар ва қариялардир. Масалан, 65 ёшдан ошган одамларда иссиқликдан ўлим даражаси сўнгги 20 йилда 85 фоизга ошган”, деди БМТ бош котиби.
Гуттериш XXI асрнинг ўрталарига келиб, аномал иссиқ шароитларда яшовчи кам таъминланганлар сони 700 фоизга ошишини прогноз қилмоқда.
“Экстремал иссиқлик тенгсизликни кучайтиради, озиқ-овқат тақчиллигини келтириб чиқаради ва одамларни янада қашшоқлаштиради”, дея хулоса қилди ташкилот бош котиби.
Изоҳ (0)