Рақобат қўмитаси қарорининг қонунийлиги суд тартибида кўриб чиқилди. Бу ҳақда қўмита матбуот хизмати хабар берди.
Аввалроқ, нархларни сунъий ошириш йўли билан катта миқдорда даромад олган “Навоийазот” АЖга нисбатан чора кўрилиши ҳақида хабар берилганди.
Қўмита томонидан минерал ўғитлар бозорида устун мавқега эга бўлган “Навоийазот” АЖ томонидан ишлаб чиқарилган юқори ликвидли ва монопол турдаги маҳсулотлар биржа савдолари орқали реализация қилинишида нарх манипуляциялари ҳолатлари аниқланганди.
“Навоийазот” АЖ томонидан мазкур қарор ва кўрсатма устидан Тошкент туманлараро маъмурий судига шикоят қилинган бўлиб, мазкур қарор ва кўрсатмани ҳақиқий эмас деб топиш сўралган.
Тошкент туманлараро маъмурий судининг 2024 йил 23 июлдаги ҳал қилув қарори билан “Навоийазот” АЖнинг шикояти рад этилди.
Изоҳ (0)