АҚШнинг амалдаги вице-президенти Камала Ҳаррис давлат раҳбари лавозимини эгалласа, мамлакатни Россия ёки Хитой билан урушга олиб келиши мумкин. Бу ҳақда АҚШ собиқ денгиз разведка ходими Жек Пособетс маълум қилди.
Агар шундай одамни президентлик курсисига ўтказсангиз, у Россия ва Эрон билан прокси-урушга, эҳтимол, Хитой билан тўғридан тўғри урушга рухсат беради. Кейин нима бўлишини ким билади? деди у.
Пособетс Ҳаррисни беқарор шахс деб атаган. Собиқ разведкачининг таъкидлашича, ҳамма уни бир қатор бемаъни интервьюлар, мамлакат чегарасидаги муаммолар ва Украинадаги вазият билан боғлайди.
21 июль куни Жо Байден президентлик сайловидан ўз номзодини қайтариб олган. Сиёсатчи партия ва мамлакат манфаатларига асосан шундай қарорга келганини айтган.
Сизнинг президентингиз сифатида хизмат қилиш ҳаётимдаги энг катта шараф бўлди. Мен қайта сайланиш ниятида бўлган бўлсам-да, ўз партиям ва мамлакатим манфаатларига кўра, номзодимни рад этишим ва қолган муддат давомида фақат президентлик вазифамни бажаришга эътибор қаратишим керак деб ҳисоблайман, деган у.
Байден президентлик пойгасида Камала Ҳаррисни тўлиқ қўллаб-қувватлашини билдирган. Унинг таъкидлашича, демократлар Трампни сайловларда мағлуб этиш учун ҳозир бирлашиши керак.
Изоҳ (0)