Британия қироли Чарльз III ва бутун қироллик оиласига 2023—2024-молиявий йилида тожга эгалик қилиш даромади (The Crown Estate) икки баравар кўпайганидан сўнг расмий вазифаларни бажариш учун қўшимча 45 миллион фунт стерлинг (58 миллион доллар) берилади.
Йиллик ҳисоботга кўра, тож мулкидан олинган даромад 148 фоизга — 443 миллион фунт стерлингдан 1,1 миллиард фунт стерлинггача ўсган, бу қироллик оиласининг расмий вазифаларини бажариш билан боғлиқ харажатларни қоплаш учун сарфланадиган фонд ҳажмини оширади.
Қироллик оиласи тожга эгалик қилишдан олинган даромаднинг 12 фоизини олиш ҳуқуқига эга. Қирол маблағларни ўзи бошқармайди, балки мамлакат ҳукуматидан маблағ олади. Шу билан бирга, илгари қироллик оиласига фойданинг 25 фоизи техник хизмат кўрсатиш учун ажратилган эди, бироқ у фойданинг сезиларли ўсишини кутган ҳолда ўз улушини икки баравар камайтиришга рози бўлди.
Олдинги шартларда қирол оиласи йиллик харажатлари учун 275 миллион фунт стерлинг олган бўларди.
Изоҳ (0)