Жо Байден сайлов пойгасидан чиқишини эълон қилганидан бери АҚШ Демократик партияси кичик донорлар учун АcтBlue платформасида 55 миллион доллардан ортиқ маблағ йиғишга муваффақ бўлди.
![](/static/2024/07/22/photo_2024-07-22_17-23-10-elqCf2R8.jpg)
Маълум бўлишича, эълондан сўнг дастлабки беш соат ичида 27,5 миллион доллар йиғилган. Кейинчалик АcтBlue бир суткадан камроқ вақт ичида 46,7 миллион доллар тўплагани ҳақида хабар берган, бу 2024 йил учун кунлик рекорддир. Пул Камала Ҳарриснинг сайловолди кампаниясига ҳам, сайловда қатнашадиган бошқа демократ номзодларга ҳам йўналтирилади.
Маблағлар оқими ҳозиргача биз кўрмаган демократлар иштиёқини акс эттиради, деб таъкидлайди Politico.
Платформага кўра, йиғилган маблағ 2020 йилги рекорддан пастроқ. Ўшанда АҚШ Олий судининг энг кекса аъзоси Рут Бейдер Гинсбург вафотидан кейин бир кунда 70,6 миллион доллар йиғилган эди.
Жо Байден 21 июль куни АҚШ президенти сайловида ўз номзодини қайтариб олишини маълум қилган. Амалдаги давлат раҳбари бу қарорни Демократик партия ва бутун мамлакат манфаатларини кўзлаб қабул қилганини алоҳида таъкидлаган. Байден тез орада халққа мурожаат қилиб, тафсилотларни айтиб беришга ваъда берган.
Ўз мактубида у, айниқса, Демократик партиядан номзодликка асосий даъвогар сифатида чиқаётган вице-президент Камала Ҳаррисга алоҳида миннатдорлик билдирди ва уни сайловларда қўллаб-қувватлашини айтди.
Демократлар! бирлашиш ва Трампни енгиш вақти келди, деб ёзган у Х ижтимоий тармоғида.
Камала Ҳаррис кейинроқ ҳукуматнинг энг юқори лавозимига номзодини қўйишни режалаштираётганини эълон қилган.
Изоҳ (0)