Марказий банк бошқаруви икки компаниянинг лицензияларини уларнинг аризалари асосида чақириб олиш тўғрисида қарор қабул қилди. Бу ҳақда регулятор матбуот хизмати хабар берди.
Қайд этилишича, United Fintech бренди остида фаолият юритган “Қулай Пул” хусусий тўлов тизими операторининг лицензияси бекор қилинмоқда. 2021 йил 27 ноябрда компания лицензия олиб, Ҳумо ва Узcардъдан кейин учинчи тўлов тизими операторига айланганди.
Ўша йилнинг декабрь ойида United Fintech асосчилари Spotъга карталар чиқаришни режалаштирмаётгани ва финтех бозорига ўзгартиришлар киритиш ниятида эканини айтган эди. Тизимни ишга тушириш бир неча бор қолдирилган, апрель ойида эса Марказий банк унинг фаолиятини олти ойга чеклаганди.
“Миллий Почта Тўловлар” компанияси 2020 йил май ойида олган тўлов ташкилоти лицензиясидан маҳрум бўлди. Компаниянинг таъсисчиси UzPost (“Ўзбекистон почтаси”) бўлиб, у бунгача “Аввал” тўлов тизимини ишга туширишни режалаштирганди.
Эслатиб ўтамиз, Марказий банк қарори асосида 2022 йилнинг октябрь ойида “Туркистонбанк” ва Ҳи-Теч Банк хусусий банкларидан фаолиятини амалга ошириш ҳуқуқини берувчи лицензия чақириб олинган ва улар банкрот деб эълон қилинган эди.
Изоҳ (0)