Скутер ва самокатларда йўл ҳаракати қоидаларини бузганлик учун жавобгарлик белгиланиши, Тошкент вилоятида ноқонуний чиқиндихона ташкил этган фуқаро салкам 4 йилга озодликдан маҳрум қилиниши, Фарғонада президент билан суҳбатлашган абитуриент қиз грант асосида ўқишга қабул қилиниши — “Дарё” нашри бугун, 16 июлда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
“Ўқув дастурларидан четга чиқилмаган”. Билимни баҳолаш агентлиги тестда кодекс ва қонунлардан савол тушаётганига муносабат билдирди
Агентликка кўра норматив-ҳуқуқий ҳужжатлар бўйича шакллантириладиган тест топшириқлари ўқув дастурида келтирилган қисмидан тузилади.
Марказий банк 11 та банк, битта микромолия ташкилоти ва битта ломбардга жарима санкциясини қўллади
Июнь ойида Банк назорати қўмитаси томонидан рўйхатга олиш ва рухсат бериш йўналишида 28 та масала кўриб чиқилган.
Тошкент супермаркетларида 12 хил маҳсулот нархи арзонлашди
Тўққиз номдаги маҳсулотнинг энг паст нархи эса ўзгаришсиз қолган.
Тендер савдоларида қонун талабларини бузган “Тошкент ГЭС каскади”га жарима қўлланди
Буюртмачи ташкилот таклифларни баҳолаш мезонларини белгилашда айрим камчиликларга йўл қўйган.
Ўзбекистонда скутер ва самокатларда йўл ҳаракати қоидаларини бузганлик учун жавобгарлик белгиланади
Камералар қайд этган йўл қоидабузарликлари айрим ҳолларда бекор қилиниши мумкин.
Ўзбекистон Қирғизистонга яна инсонпарварлик ёрдамини юборди
Ҳозирда “Дўстлик” чегара божхона постида ўнлаб юк машиналари саф тортган.
Ўзбекистонда тадбиркорларга қонунчиликда тақиқланмаган ҳар қандай фаолиятни амалга ошириш ҳуқуқи берилмоқда
Депутатлар Тадбиркорлик кодексини тасдиқлаш тўғрисидаги қонун лойиҳасини биринчи ўқишда қабул қилди.
Тошкентда “Файзиобод ГАИ” ҳудудида иссиқ сув қувури ёрилиб кетди (видео)
Қувур ёрилишига гидравлик синовлар ўтказилаётгани сабаб бўлган.
Расман: Таиланд Ўзбекистон фуқароларига 15 июлдан визасиз тартибни жорий қилди
Энди фуқаролар ушбу давлатга 60 кунгача визасиз кириш ҳуқуқига эга.
Чимёнда айлангани келиб, адашиб қолган икки фуқаро қутқарилди
Улар тунги соат 02:53 да хавфсиз ҳудудга олиб тушилган.
Тошкент вилоятида ноқонуний чиқиндихона ташкил этган фуқаро салкам 4 йилга озодликдан маҳрум қилинди
Шунингдек, ундан давлат фойдасига 3 миллиард 68 миллион минг сўм зарар ундирилиши белгиланди.
Тошкентда фуқарони ИИВ академиясига ўқишга киритишни ваъда қилган шахс ушланди
Яна бешта ҳудудда абитуриентларни ОТМларга ўқишга киритиб қўйишни ваъда қилган шахслар ушланди.
Фарғонада президент билан суҳбатлашган абитуриент қиз грант асосида ўқишга қабул қилинди (видео)
“Илоҳим, бахтингизни, яхши ўқишларингизни эшитиб, мен хурсанд бўлай”, деган эди Шавкат Мирзиёев.
Ит уриштирган хўрозлар, стоматологларнинг янгича услуби, баклажка бизнесидан келган даромад: ижтимоий тармоқларда нима гап?
16 июлда эълон қилинган қизиқарли постлар жамланмаси.
Туризм соҳасида олий таълим тўрт йилликдан уч йилликка ўтказилади
Президент ҳудудларда туризм инфратузилмасини яхшилаш ва хорижий туристлар оқимини кўпайтириш чора-тадбирлари бўйича тақдимот билан танишди.
Изоҳ (0)