“Turkistonbank” va Hi-Tech Bank faoliyati nega to‘xtatilganiga izoh berildi. Bu haqda O‘zA xabar berdi.
Har ikki bank uzoq muddatdan buyon bank qonunchiligi bo‘yicha me’yorlar va prudensial talablarni muttasil buzib kelgan. Mazkur banklarning litsenziyasini chaqirib olishga asos sifatida “Banklar va bank faoliyati to‘g‘risida”gi qonunning 54 moddasida ko‘rsatilgan qo‘pol kamchiliklarga yo‘l qo‘ygan. Shu bilan birga 77-moddadagi asoslar kuzatilgan.
Markaziy bank departamenti direktori Sanjar NosirovMa’lum bo‘lishicha, banklarda yetarli miqdorda aktivlarga nisbatan zaxiralar yaratilmagan va regulyativ kapitalidan 50 foizidan ortiq miqdorda zarar ko‘rgan.
Shuningdek, banklar tomonidan buxgalteriya hisobotida qoidalar buzilgan va iste’molchilar huquqlariga qarshi harakatlar qilingan.
“Turkistonbank”ning kapitali 140 milliardni, Hi-Tech Bank kapitali esa 90 milliardni tashkil etadi.
Ayni paytda banklar uchun ustav kapitaliga nisbatan 100 milliard talab bor.
“Turkistonbank”da 117 milliard ustav kapitali bo‘lgan. Hi-Tech Bank’da 116 milliard ustav kapitali shakllantirilgan.
Banklar zarar ko‘rgani uchun umumiy kapitali ustav kapitalidan kamroq miqdorni tashkil qilgan.
Bugungi kunda “Turkistonbank”da aholining 339 milliard so‘m, Hi-Tech Bank’da esa 5 milliard so‘mlik omonatlari bor.
Yuqoridagi ikki bank omonatchilarining barcha mablag‘lari 2 oydan so‘ng birinchi navbatda to‘liq qaytariladi.
Litsenziyasi chaqirib olinayotgan yuqoridagi ikki bank omonatchilari o‘zlarini xotirjam his qilishlari mumkin, — dedi Markaziy bank rasmiysi.
Avvalroq O‘zbekistonda banklar ustav kapitalining eng kam miqdorini oshirish taklif qilinayotgani haqida xabar berilgan edi.
Izoh (0)