Бразилиянинг “Гремио Анаполис” футбол клуби дарвозабони ўйиндан кейинги муштлашув вақтида жароҳат олди: полициячилардан бири футболчининг оёғига ўқ узди. Бу ҳақда О Globo нашри хабар берди.
-wegFbamv.webp)
Ҳодиса чемпионатнинг 12-тур ўйинида юз берди, унда “Гремио Анаполис” “Центро Оэсте” клубини қабул қилди (1:2). Финал ҳуштаги янграганидан сўнг, стадион четида ҳар икки клуб футболчилари ўртасида муштлашув келиб чиқди ва полиция уларни тарқатиб юбориш учун аралашишга мажбур бўлди. Полиция ходимларидан бири травматик қуролдан ўқ узди, оқибатда резина ўқ мезбонлар дарвозабони Рамон Соузанинг оёғига тегди.
Шифокорлар дарвозабонга майдондаёқ биринчи тиббий ёрдам кўрсатган, шундан кейин у касалхонага ётқизилган.
Клуб қурол ишлатишни “ҳеч қачон унутилмайдиган шафқатсиз, ифлос ва жирканч ҳаракат” деб атади. Клуб, “айбдорлар жазоланиши ва адолат ўрнатилиши” учун барча чораларни кўришга ваъда берди.
Гояс штати полицияси, ўз навбатида, воқеа бўйича зудлик билан тергов бошланганини эълон қилди. Расмийлар, шунингдек, ўз ходимлари томонидан содир этилган ноқонуний хатти-ҳаракатларни оқлаб бўлмаслигини таъкидлади.
Изоҳ (0)