Машҳур фильмлардаги бош ролга кастинг топширган бўлса-да, ёвуз қаҳрамон образига тасдиқланган актёрлар

Баъзида машҳур актёрлар ҳам тақдирнинг кутилмаган “совға”лари олдида ожиз қолишади. Мазкур актёрлар асосий қаҳрамонни ўйнашни хоҳлаган бўлсалар ҳам, турли сабабларга кўра ёвуз одам ролига жуда мос тушган.

Том Хидлстон – Тор (“Тор”)

Том Хидлстон Marvel оламида Локи ролини ўйнаган бўлса ҳам, у ҳеч қачон бу ролга кастинг топширмаган. Дастлаб Том Тор ролини ўйнашни хоҳлайди, бунинг учун у ҳатто бир неча килограмм мушак массасига эга бўлади, аммо “Тор” ижодкорлари бир нечта эътиборга олинмайдиган фильмларда рол ўйнаган Крис Хемсвортни танлайди. Гарчи Хидлстон Тор ролига рад этилган бўлса-да, унинг кастингдаги ижроси ҳаммага ёқади, унга иккиланмасдан Локи ролини беришади.

Хит Лежер — Бетмен (“Бетмен: Ибтидо”)

Кристиан Бэйлни энг яхши Брюс Уэйнслардан бири деб аташ мумкин, аммо бундай эътирофга қарамай, “Қора рицар” фильмида бутун диққат Хит Лежернинг Жокерига қаратилган. Шу билан бирга, Хит сўнгги фильмда Кристофер Нолан режиссёрлик қилган трилогияда Жокер эмас, балки фақат Брюс Уэйн ролида пайдо бўлиши мумкин эди. Ноланнинг сўзларига кўра, Лежер суперқаҳрамон ролига тасдиқланади, бироқ унинг ўзи бу ролни ўйнашни истамагани учун ундан воз кечади. “Бетмен: ибтидо” фильмини томоша қилгандан кейин унинг фикри ўзгаради. Кейин Хитнинг ўзи “Қора рицар” фильмида рол ўйнаш истагини билдиради ва Жокер ролини ўйнаш имкониятига эга бўлади, у буни жуда яхши уддалайди.

Киллиан Mёрфи — Бетмен (“Бетмен: Ибтидо”)

2005 йилда, “Бетмен:Ибтидо” фильми чиққанида Киллиан Мерфи ҳали унчалик таниқли эмасди. Уч йил олдин у “28 кундан кейин” фильмида ўйнаган, аммо премьерадан кейинги дастлабки ойларда фильм атиги 85 миллион даромад олади.
Киллианнинг сўзларига кўра, Бетмен роли учун кастингда унга Вал Килмер костюми берилган, чунки ўша пайтда ҳамма бу рол Кристиан Бэйлга берилишини аллақачон тушунган эди.

Жеймс Франко — Питер Паркер (“Ўргимчак одам”)

2002 йил Жеймс Франконинг карьераси янги босқичга кирган йил бўлади. Питер Паркернинг энг яқин дўсти Гарри Осборн ролидан олдин Жеймс асосан телесериаллар эпизодларида ва кўзга ташланмайдиган фильмларда рол ўйнаган. Кейинчалик бирин-кетин рол ўйнай бошлаган ва 2000 йилларнинг охирига келиб у жуда машҳур ёш актёрга айланган. Аммо унинг йўли янада осонроқ бўлиши мумкин эди, чунки Франко Питер Паркер учун кастингдан ўтган ва ҳатто бош қаҳрамон ролини қўлга киритишига бир неча қадам қолган эди. Тоби Магуайр Питер ролига тасдиқланганида, Жеймснинг ҳафсаласи пир бўлади, аммо унинг қайғуси узоққа чўзилмайди. Режиссёр Сем Раими уни Питер сингари учала фильмда ҳам иштирок этадиган Гарри Осборн ролини ўйнашга таклиф қилади.

Шон Бин — Жеймс Бонд (“Олтин кўз”)

Шон Бин “Қироллик камонбози Шарпнинг саргузаштлари” телесериалидаги роли туфайли шу қадар машҳур бўладики, у ҳатто “Олтин кўз” фильмида Жеймс Бонд ролини ҳам ўйнайди. Аммо Пирс Броснан режиссёр ва продюсерларда кўпроқ таассурот қолдиради ва бош ролни Шондан илиб кетади. Бироқ Бин кастинг топширганида Мартин Кемпбелл ёвузлик салоҳиятини пайқаб қолади ва асосий ёвуз қаҳрамон Алек Троавеллян ролини қайта ёзади. Алек дастлаб кекса одам сифатида ёзилган, аммо Шон учун у нисбатан ёшартирилган.

Сем Рокуэлл — Тони Старк (“Темир одам”)

Тони Старк ролига кичик Роберт Дауни тасдиқланишидан олдин режиссёр Жон Фавро “Яшил миля” фильмидаги ёвуз роли билан танилган Сем Рокуэлл ҳақида жиддий ўйларди. Эҳтимол, студия раҳбарларига Семнинг номзоди ёқмагандир ёки Жон фикрини ўзгартиргандир, чунки шундан сўнг у кичик Роберт Даунини ҳаммага таништирган ва уни бу рол учун энг яхши вариант сифатида тавсифлаган. Фавронинг сўзларига кўра, жазирама саҳро, сув ва қамоқларда умри ўтган Тони  Старкни фақат шундай нарсаларни бошдан кечирган одам ўйнаши мумкин эди.
Роберт Тони  Старкни ўйнаганидан сўнг Сем Рокуэлл ўзини қўлдан бой берилган имконият дейиш мумкинлигини айтади, лекин бундай бўлиб чиқмади, чунки Роберт энг яхши Темир одамга айланди.

Иван Реон — Жон Сноу (“Тахтлар ўйини”)

Иван Реон “Тахтлар ўйини”нинг биринчи мавсумини суратга олишдан олдин Жон Сноу ролига тайинланган эди. Кастинг қанчалик муваффақиятли бўлгани номаълум, аммо Кит Харингтон яхшироқ ўйнагани аниқ, чунки охир-оқибат рол унга берилади. Иванни ҳайратда қолдирган ҳолда бир неча йил ўтгач, сериал продюсерлари у билан боғланиб, уни Рамси Болтон сифатида синаб кўришга таклиф қилишади. Иван учун бу энг яхши вариант эди, чунки Рамси ёвузлигининг энг юқори чўққисида кетади. Жон эса унчалик муваффақиятли чиқмаган яна икки фаслда чиқишга мажбур бўлади, бу эса томошабинларнинг ҳафсаласини пир қилади.