Германия келиб чиқиши Сурия ва Афғонистондан бўлган жиноятчилар рўйхатини тузмоқда, улар ватанига депортация қилинади. Бу ҳақда Билд хабар берди.
Бу давлатлар билан тегишли келишувлар тузилмагани боис музокараларни шахсан ички ишлар вазири Ненси Фезер олиб бормоқда. Жами 335 киши депортация рўйхатидан жой олган. Ҳудудлар бўйича Гессен (96 киши) ва Ворпоммерн (71 киши) етакчилик қилмоқда, Бавария (7 киши) эса камроқ одамни депортация қилишни режалаштирмоқда. Шу билан бирга, баъзи федерал ерлар депоратация амалга ошмаслиги хавфидан қўрқиб, бундай маълумотларни ошкор этмаяпти.
Бавария ички ишлар вазири Ёахим Херрманннинг айтишича, федерал ҳукумат хавфли жиноятчиларни депортация қилиш бўйича тезкор қадам ташлаши керак. Гап биринчи навбатда қотиллар, зўравонлар ва радикал агитаторлар ҳақида кетмоқда.
“Умид қиламанки, Афғонистонга депортация қилинадиган биринчи самолёт яқин бир неча ҳафта ичида ҳавога кўтарилиши мумкин”, — дейди у.
Изоҳ (0)