Германияда 19 март, сешанба куни Иброҳим ва Рамин исмли Афғонистон фуқаролари ҳибсга олингани маълум қилинди. Полиция маълумотларига кўра, бу икки шахс ИШИДнинг Хуросон бўлими буйруғига асосан Швеция парламенти яқинида ҳужум уюштирган.
ABC News Германия полициясига таяниб хабар беришича, бу икки афғон фуқароси 2023 йилдан буён ИШИД гуруҳининг тарафдорлари бўлган ва Иброҳим ўтган йилнинг август ойида ИШИДнинг бу мамлакатдаги Хуросон бўлимига қўшилган.
Маълумотларга кўра, ИШИД ўтган йилнинг ёзида Иброҳимга Қуръоннинг ёқиб юборилишига жавобан Швецияда ҳужум уюштиришни буюрган.
Германия полицияси ушбу икки афғон фуқароси ҳужумни ИШИД расмийлари билан маслаҳатлашган ҳолда амалга оширганини айтди.
Шунингдек, улар Сурия шимолида ИШИДнинг қамоққа олинган аъзоларидан бирига ёрдам бериш учун 2000 евро йиғишган.
Айни пайтда Германия ички ишлар вазири Ненси Физер мамлакат бундай ҳужумларнинг олдини олиш учун қатъий ҳаракат қилаётганини айтди.
Эслатиб ўтамиз, ўтган йили Швецияда исломга қарши фаоллар Қуръонни ёқиб юборишган эди. Радикал гуруҳларнинг бу ҳаракати Европада экстремизмнинг кучайишига сабаб бўлди.
Изоҳ (0)