Германиянинг Франкфурт Майн шаҳрида 19 ёшли асли афғонистонлик эркак 41 ёшли украиналик аёлга бир неча марта пичоқ санчди.
Ҳужум 10 июнь куни содир бўлган. Жиноятда 19 ёшли афғонистонлик гумонланмоқда. Полиция уни жиноят содир бўлганидан кўп ўтмай ҳибсга олган, у ҳуқуқ-тартибот ходимларидан буталар орасига яширинган.
Воқеа тафсилотлари
Украинадаги урушдан қочиб Германияга келган аёл Майн дарёси бўйидаги паркда ўтирган вақтида ҳужумчи пичоқ билан унинг боши ва бўйнига бир неча марта пичоқ урган. Аёл ҳужумчидан қочишга уринган, бироқ бор-йўғи бир неча метр юргандан кейин йиқилган. Ҳужумчи унинг орқасидан югуриб, ерда ётган аёлни яна пичоқлаган.
Йўловчилар аёлга ёрдамга шошилган. Ҳужумчи аёлни қўйиб юборган ва ғойиб бўлган. Гувоҳлар украиналик аёлга биринчи ёрдам кўрсатиб, тез ёрдам чақиришган.
Буталар орасига яширинган гумонланувчи қўлга олинган. Муҳаммад Заман А исмли гумонланувчи терговгача ҳибсга олинган. Прокуратура қотилликка уриниш бўйича тергов олиб бормоқда.
- Аввалроқ Германиянинг Мангейм шаҳрида асли афғонистонлик эркак исломга қарши митинг ўтказаётган сиёсатчиларга пичоқ билан ҳужум қилиб, кўплаб одамларни жароҳатлаган эди. Жароҳат олган полициячи кейинчалик шифохонада вафот этган.
Германия хавфсизликка таҳдид солаётган афғон муҳожирларини Афғонистонга қайтариш масаласини кўриб чиқмоқда.
Изоҳ (0)