Сурхондарё вилояти Шўрчи туманида икки бола бўз эчкемарни ўлдирди. Бу ҳақда вилоят Экология бошқармаси хабар берди.
Маълум қилинишича, ушбу ҳолат Сурхондарё вилояти Шўрчи тумани "Озод" маҳалласи ҳудудида мол боқиб юрган, ҳали вояга етмаган икки нафар шахс томонидан содир этилгани аниқланди. Болаларнинг айтишича, 26 июнь куни шу маҳалла ҳудудидаги адирликда чорва молларини боқиб юрган вақтида бўз эчкемар молларига ташланган, чорва молларини хавфсизлиги учун унга ҳужум қилиб ўлдиришган.
Мазкур ҳолатни содир этган фуқаролар ҳали балоғат ёшига етмагани сабабли ушбу ҳолат юзасидан бирламчи ҳужжатлар тайёрланиб, ҳуқуқни муҳофаза қилувчи органларга тақдим этиш учун тайёрланмоқда.
Бундан ташқари, бўз эчкемарни нобуд қилгани учун ҳайвонот дунёсига етказилган зарар Вазирлар Маҳкамасининг 2023 йил 7 декабрдаги 649-сонли қарори иловасига асосан ҳисобланганда 34 миллион сўмни ташкил этади.
Изоҳ (0)