Ишдан чиққан Россиянинг “Ресурс П” фуқаролик сунъий йўлдоши Халқаро космик станция (ХКС) яқинидаги паст Ер орбитасида 200 га яқин бўлакларга бўлиниб кетди. Бу ҳақда Euronews хабар берди.
Ҳодиса натижасида ХКСда бўлган америкалик астронавтлар бир соатдан кўпроқ вақт давомида яширинишга мажбур бўлган.
Сунъий йўлдошнинг парчалангани ҳақидаги далил NASA ва АҚШ космик қўмондонлиги томонидан тасдиқланган.
Россия ОАВнинг хабар беришича, “Ресурс-П” космик кемаси Табиий ресурслар вазирлиги, Фавқулодда вазиятлар вазирлиги, Қишлоқ хўжалиги вазирлиги, “Росреестр” манфаатларини кўзлаб, Ер юзасини юқори даражада батафсил, кенг спектрли ва гиперспектрал оптик-электрон кузатиш учун мўлжалланган. Қурилманинг орбитада фаол мавжудлик муддати беш йил.
Reuters нашрининг хабар беришича, 27 июнь куни АҚШнинг ЛеоLabs космик кузатув компанияси радарлари камида 180 та парчани аниқлаган. АҚШ ҳарбийларига кўра, қурилма қолдиқлари энди хавф туғдирмайди.
Россиянинг “Ресурс-П №1” сунъий йўлдоши 2013 йилда орбитага чиқарилган. Ушбу блок 2022 йилда фойдаланишдан чиқарилган. Қурилманинг йўқ қилиш сабабларига ҳозирча аниқлик киритилмаган.
Изоҳ (0)