Рақамли технологиялар вазири Шерзод Шерматов Жанубий Корея хавфсизлик ва давлат бошқаруви вазирининг биринчи ўринбосари (2012 йилгача) ҳамда Ўзбекистон АКТ вазирининг собиқ ўринбосари Ким Нам Сок билан учрашди.
Учрашувда ҳамкорликда IT соҳасинини янада ривожлантириш, Кореядаги етакчи IT компанияларни мамлакатга жалб қилиш, масалалари муҳокама қилинган.
Ким Нам Сок апрель ойида Сеул шаҳрида бўлиб ўтган Uzbekistan Outsourcing Conference тадбирида сўзга чиқиб, Ўзбекистон ва Корея ўртасидаги алоқалар ҳар соҳада мустаҳкамланиб бораётгани, ушбу алоқаларнинг мустаҳкамлиги икки давлат учун жуда катта фойда эканлиги ҳамда ёшларга қаратилаётган эътибор ҳақида алоҳида тўхталиб ўтган эди.
Шу билан бирга, учрашув давомида Ўзбекистонда IT соҳасида амалга оширилаётган ишлар, IT компаниялар учун яратилган шарт-шароитлар, жорий этилган имтиёзлар ҳақида суҳбатлашилган ҳамда IT ва хизмат кўрсатиш соҳаларида ҳамкорликни янада ошириш масалаларига эътибор қаратилган.
Шунингдек, Ким Нам Сокка Рақамли технологиялар вазирлиги томонидан Ўзбекистоннинг IT бўйича Жанубий Кореядаги фахрий элчиси бўлиш таклиф этилди, — дейилади хабарда.
Ким Нам Сок нутқи давомида Ўзбекистонни IT хабга айлантириш бўйича мамлакат президенти қўллаб-қувватлаши натижасида катта ишлар амалга оширилаётганини таъкидлади ҳамда ушбу шарафли вазифани қабул қилди.
- Ким Нам Сок (1956 йилда таваллуд топган) Кёнсон олий мактаби (1975 йил) ва Ханян университети (1980), Аризона университети (АҚШ, 1986) ва Сонгюнгван университети (Жанубий Корея, 1989) битирувчиси.
- Муқаддам Жанубий Корея давлат бошқаруви ва хавфсизлик вазирининг биринчи ўринбосари лавозимида фаолият олиб борган.
Изоҳ (0)