Toshkent viloyatining O‘rta Chirchiq tumanida 31 yoshli erkak poyezd urib ketishi oqibatida halok bo‘ldi. Bu haqda “Milliy” telekanalining “Millar” dasturida ma’lum qilindi.
Voqea 5-mart kuni sodir bo‘lgan. Mast holdagi erkak temiryo‘lning belgilanmagan joyidan kesib o‘tayotganida yo‘lovchi poyezdi urib yuborgan va u voqea joyida vafot etgan.
Fuqaroning onasi bilan suhbatlashilganda erkak voqeadan bir kun oldin o‘g‘il farzandli bo‘lganini, ayolini tug‘uruqxonadan olib chiqish uchun tayyorgarlik ko‘rish maqsadida uydan chiqib ketganini aytgan.
Hozirda Toshkent transport prokuraturasi tomonidan tergovga qadar tekshiruv harakatlari olib borilmoqda.
Izoh (0)