Хитой 15-16 июнь кунлари Швейцарияда бўлиб ўтадиган Украина бўйича тинчлик саммитида қатнашмайди, шунингдек, ривожланаётган мамлакатларга ҳам қатнашмасликни маслаҳат бермоқда. Бу ҳақда 10 нафар аноним дипломатга таяниб, Reuters хабар берди.
Ҳозирда саммитда иштирок этиш учун 90 та давлат ва ташкилот рўйхатдан ўтган. Улар дастлаб Россияни унга таклиф қилмасликка қарор қилишган. Хитой эса Киев ва Ғарб томонидан таклифларга қарамай, бу таклифни рад этиб, саммит унинг талабларига, жумладан, Россиянинг иштирокига ҳам жавоб бермаслигига ишора қилган. Кремль Москва иштирокисиз ушбу саммитни бемаънилик деб атаган.
Вазиятдан бевосита хабардор бўлган икки дипломатга кўра, ривожланаётган мамлакатлар вакиллари билан мулоқот чоғида хитойликлар улардан саммитдан чиқишни тўғридан тўғри сўрамаган.
Хитой расмийлари саммит урушни фақат узайтиришини тушунтиришган, — дейилади хабарда.
Ғарб вакиллари билан суҳбатда хитойлик дипломатлар кўплаб ривожланаётган мамлакатлар Хитойнинг позициясини баҳам кўришини таъкидлаган.
Нашрга кўра, Пекин ҳозирча бу хабарга изоҳ бермаган.
Изоҳ (0)