Украина бўйича саммитда 90 та мамлакат ва ташкилот иштирок этади

Швейцарияда бўлиб ўтадиган Украина бўйича конференцияда 90 та давлат ва ташкилот иштирок этишга рози бўлди. Бу ҳақда “РИА Новости” хабар берди.

Маълум бўлишича, делегацияларнинг тахминан ярми Европа давлатларидан келади.

Айни дамда 90 та давлат ва ташкилот конференцияда иштирок этиш учун рўйхатдан ўтган, — дейилади Швейцария VM веб-сайтида.

Швейцария ҳукуматига кўра, конференция давомида ишчи гуруҳлар ядро ва озиқ-овқат хавфсизлиги, шунингдек, гуманитар муаммоларни муҳокама қилади. Конференция якунида якуний баёнот ҳам тайёрланиши кутилмоқда.

“Украина бўйича тинчлик саммити”

15—16 июнь кунлари Швейцариянинг Бюргеншток курортида Украина бўйича тинчлик конференцияси бўлиб ўтади. BBC’нинг Женевадаги мухбири Имоген Фокс иштирокчи мамлакатларнинг тўлиқ рўйхати 14 июнгача эълон қилинмаслигини айтган.

Зеленский аввалроқ Украина Москванинг мазкур жараённи бузишини истамаслигини таъкидлаган эди.

Россиянинг Берндаги элчихонаси матбуот котиби Владимир Хохлов аввалроқ Швейцария Украина бўйича саммитда иштирок этиш учун Россияга таклиф юбормагани, Москва ҳеч қандай ҳолатда иштирок этмаслигини маълум қилган. Кремль Украина-Россия можаросини Москва иштирокисиз ҳал қилишни мутлақо мантиқсиз ва бефойда эканини таъкидлаган.