Қурбон ҳайити санаси эълон қилиниши, нархларни сунъий ошириш йўли билан катта миқдорда даромад олган “Навоийазот” АЖга нисбатан чора кўрилиши, “Ҳисорак” сув омборидан сув сизиб чиқиши — “Дарё” нашри бугун, 11 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Навоийда содир бўлган ЙТҲда бир оиланинг 5 аъзоси ҳалок бўлди
Ҳодиса Gentra ҳайдовчиси ўзи билан бир йўналишда кетаётган Damasъни қувиб ўтиши оқибатида келиб чиққан.
“Ваҳимага ўрин йўқ”. Шаҳрисабз ҳокими ҳамда вилоят Фавқулодда вазиятлар бошқармаси бошлиғи аҳолига видеомурожаат йўллади
Аввалроқ “Ҳисорак” сув омбори тўғонининг чап тарафидан қўшимча туннел очиш мақсадида олиб борилаётган муҳандислик техник тадбирлари вақтида сув сизиб чиқиши ҳолати кузатилганди.
Сурхондарёда кетма-кет иккинчи кун зилзила кузатилди
Ерости силкинишларининг эпицентри Тожикистонда жойлашган.
Ўзбекистонда Қурбон ҳайити 16 июнь куни нишонланади
Шавкат Мирзиёев “Муборак Қурбон ҳайитини нишонлаш тўғрисида”ги қарорни имзолади.
“Саросимага ўрин йўқ”. Бухоро вилоятида чигирткалар галаси бартараф этилгани маълум қилинди
Ўсимликлар карантини ва ҳимояси агентлиги томонидан зараркунандаларга қарши кимёвий кураш тадбирлари олиб борилди.
“Эндиликда манфаатлар тўқнашуви натижасида етказилган зарарни қонунбузар мансабдор шахс ўз чўнтагидан тўлайди” — Акмал Бурхонов
Коррупцияга қарши курашиш агентлиги ваколатли орган сифатида манфаатлар тўқнашувига йўл қўйилганлик ҳолати кузатилса, шартномани суд орқали бекор қилиши мумкин.
Ўзбекистонда жорий этиладиган тергов судьясига қандай ваколатлар берилиши маълум қилинди
Тергов судьясига одил судловни амалга ошириш билан боғлиқ бўлмаган ҳар қандай вазифалар юклатилишига йўл қўйилмайди.
Адвокатлар судланувчиларнинг сақланиш жойидан норози бўлди, судья журналистларни огоҳлантирди: “Саидазиз медгородок” судидан репортаж
Тошкентда жисмонан бақувват бир нечта шахсни ўз атрофига тўплаб, ўлдириш ёки зўрлик ишлатиш билан қўрқитиш каби жиноятларни содир қилганликда айбланаётган Саидазиз Саидалиев ва 28 нафар шахсга нисбатан суд иши бошланди.
“Фавқулодда вазият содир бўлмаган” ФВВ раҳбари “Ҳисорак” сув омбори бўйича баёнот берди
Абдулла Қўлдошев сизиб чиққан сув бўйича ҳам изоҳ берди.
Нархларни сунъий ошириш йўли билан катта миқдорда даромад олган “Навоийазот”га нисбатан чора кўрилди
АЖга нисбатан иш қўзғатилиб, қонун бузилишини бартараф этиш бўйича кўрсатма берилган.
Шавкат Мирзиёев Озарбайжон маданият вазири билан учрашув ўтказди
Ўзбекистон билан Озарбайжон ўртасидаги гуманитар соҳадаги алоқаларни янада кенгайтириш масалалари кўриб чиқилди.
Шавкат Мирзиёев АҚШ савдо вакили билан Ўзбекистоннинг ЖСТга аъзо бўлиш масаласини муҳокама қилди
Саноат кооперацияси учун янги соҳаларни аниқлаш ва тегишли лойиҳаларни илгари суриш бўйича қўшма платформани ишга тушириш муҳим экани таъкидланди.
“Ўзбекистоннинг ЖСТга аъзо бўлиш жараёнини жадаллаштиришда АҚШ кўмагига таянамиз” — Саида Мирзиёева
Президент ёрдамчиси АҚШ савдо вакили Кетрин Тай билан учрашув ўтказди.
Жанубий Корея президенти Ўзбекистонга келади. Ташриф юзасидан маълумот берилди
Саммит якунлари бўйича бир қатор ҳукуматлараро ва идоралараро ҳужжатлар имзоланиши кўзда тутилган.
Шавкат Мирзиёев Ўзбекистонда Озарбайжон маданияти кунлари иштирокчиларига табрик йўллади
Табрикда кейинги йилларда Ўзбекистон ва Озарбайжон давлатлари ўртасида дўстлик ва ҳамкорлик алоқалари жадал ривожланиб, мутлақо янги босқичга кўтарилаётгани эътироф этилди.
Ўзбекистонда 2023 йилда одам савдоси билан 126 нафар шахс судланган
Судланганларнинг 84 нафарига озодликдан маҳрум қилиш жазоси тайинланган.
Изоҳ (0)