Президент Шавкат Мирзиёевнинг Туркияга ташрифи, Самарқандда “КамАЗ” аёл ва унинг икки фарзандини уриб юбориши, Тошкентда 200 га яқин қоидабузарлик содир этган ҳайдовчининг Tesla’си хатланиши — “Дарё” нашри бугун, 6 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Шавкат Мирзиёев рафиқаси билан бирга Туркияга расмий ташриф билан борди
“Эсонбуға” аэропортида Ўзбекистон президентини Туркия вице-президенти Жавдат Йилмаз ва бошқа расмий шахслар кутиб олди.
Блогер Мурод Махсудов 7,5 йилга қамалди
Суд уни туҳмат, товламачилик ва ўзлаштириш ёки растрата йўли билан талон-торож қилишда айбдор деб топди.
Тошкентда 200 га яқин қоидабузарлик содир этган ҳайдовчининг Tesla’си хатланди
Ушбу фуқаро томонидан 116 млн сўм миқдоридаги қарздорлик ихтиёрий равишда бартараф қилинмаган.
Ўзбекистонда манфаатлар тўқнашувини аниқлашда фаол ёрдам берган шахслар мукофотланади
Уларга ундирилган жариманинг 50 фоизи миқдорида мукофот пули берилади.
Самарқандда “КамАЗ” аёл ва унинг икки фарзандини уриб юборди. Болалар воқеа жойида ҳалок бўлди
Уларнинг онаси Самарқанд тумани марказий шифохонасига ётқизилган.
Фарғонада уч нафар вояга етмаган бола сунъий сув ҳавзасига чўкиб кетди
Ҳозирда прокуратура томонидан терговга қадар текшириш ҳаракатлари олиб борилмоқда.
“ЖСТга қўшилиш жараёни ўта мураккаб эканини тушунамиз” — Саида Мирзиёева
Президент ёрдамчиси ҳеч бир давлат ҳақиқий ислоҳотларсиз тараққиётга эриша олмаслигини таъкидлади.
Марказий банк илк бор хорижий давлат қимматли қоғозларига инвестиция киритди
Бу Жаҳон банки Ғазначилиги экспертларининг техник кўмак миссияси ташрифи давомида амалга оширилган.
“Таълим-тарбия соҳасига бюджетдан ажратилаётган пуллар самараси бўйича муаммолар бор” — Алишер Қодиров
“Айниқса, боғчаларга етарли эътибор қаратилмаяпти”, — дейди депутат.
“Саидазиз медгородок” ва унинг шериклари ўлдириш ёки зўрлик ишлатиш билан қўрқитиш, фирибгарлик каби жиноятларни содир этганликда айбланмоқда
11 июнь куни Жиноят ишлари бўйича Юнусобод туман судида 29 нафар айбланувчи устидан суд жараёни бошланади.
Шавкат Мирзиёев дунёдаги энг йирик 100 та мудофаа компанияси рўйхатига кирган Туркиядаги компания фаолияти билан танишди
Авиация техникасининг намойиш парвозлари ҳам ўтказилди.
Ўзбекистонда овқатдан заҳарланиш ҳолатларидан жабрланганлар сони очиқланди
2024 йилнинг I чорагига кўра маълумот берилди.
Анқарада Шавкат Мирзиёевни расмий кутиб олиш маросими бўлиб ўтди (фото)
Айни дақиқаларда давлат раҳбарларининг тор доирадаги музокаралари ўтмоқда.
Ўзбекистон ва Туркия ҳукуматлари олдига ўзаро товар айирбошлашни 5 млрд долларга етказиш вазифаси қўйилди
Шавкат Мирзиёев ва Ражаб Тоййиб Эрдўғоннинг тор доирадаги учрашуви бўлиб ўтди.
“Мазкур темирйўл Хитойни минтақамиз билан боғловчи энг қисқа қуруқлик йўлига айланади” — Шавкат Мирзиёев
Президент Хитой—Қирғизистон—Ўзбекистон темирйўли қурилиши бўйича лойиҳани амалга ошириш битимини имзолаш маросими иштирокчиларига видеомурожаат йўллади.
Шавкат Мирзиёев Хитой—Қирғизистон—Ўзбекистон темирйўли қурилиши бўйича стратегик лойиҳани амалга ошириш тўғрисидаги битимни имзолаш маросими иштирокчиларига табрик йўллади
“Бу мамлакатларимиз ўртасида қарор топган анъанавий яқин ва кўп қиррали ҳамкорлик ривожидаги чинакам тарихий воқеадир”, — дейди президент.
Шавкат Мирзиёев Ражаб Тоййиб Эрдўғонни Ўзбекистонга таклиф қилди
Ўзбекистон—Туркия олий даражадаги Стратегик ҳамкорлик кенгашининг учинчи йиғилиши бўлиб ўтди.
Ўзбекистонда “яшил” иқтисодиётга ўтишда миллий шаффофлик тизими жорий этилади
2025 йил 1 январгача тажриба-синов тариқасида муайян соҳа, ҳудуд ва корхоналарда иссиқхона газлари ажратмалари хатловдан ўтказилиши таъминланади.
Шавкат Мирзиёев ва Ражаб Тоййиб Эрдўғон Ўзбекистон-Туркия Ишбилармонлар кенгашининг биринчи йиғилишида иштирок этди
Ўзбекистон раҳбари икки томонлама савдо-иқтисодий ва инвестициявий шериклик изчил суръатда ривожланиб бораётганидан мамнунлигини билдирди.
Изоҳ (0)