“Катта Дубулға” туркумига кирувчи турнирнинг 24 карра чемпиони Новак Жокович ўнг тиззасидан жарроҳлик амалиётини бошидан ўтказди.
SportKlub нашри хабарига кўра, спортчининг тузалиши учун камида 3 ҳафта вақт керак.
Жокович “Уимблдон” турнирини ўтказиб юборади. Лекин Олимпиадага қадар ўзини тиклашга улгуради.
Новак “Ролан Гаррос” турнирида Франциско Серундолога қарши баҳсда жароҳат олди.
Сербиялик теннисчи апрель ойида тарихдаги энг кекса ATP рейтинги етакчисига айланган эди. Жокович илк бор 2011 йилги мавсумда 24 ёшида ATP рейтингида биринчи ўринни эгаллаган эди. Ҳаммаси бўлиб, у 24 та “Катта дубулға” ва 40 та “Мастерс” турнирлари ғолиблигини қўлга киритган.
Изоҳ (0)