Ислом Махачев икки вазн тоифасида UFC собиқ чемпиони Конор Макгрегорга қарши жанг қилмоқчилигини маълум қилди.
“Тўғрисини айтсам, Макгрегорни танлаган бўлардим. Медиа нутқайи назаридан ва бошқа жиҳатдан ҳам Конорга қарши жанг қизиқарлироқ бўлади. Лекин унинг кейинги жанги ҳам бўлмайди деб ўйлайман, ҳаммамиз кўрдик, ҳатто матбуот анжумани ҳам бекор қилинди. Жанг бўлган тақдирда ҳам Майкл (Чендлер) ғалаба қозонади. Чунки у машғулотларни тўхтатмаяпти”, — дейди енгил вазн тоифасида UFC чемпиони.
Конор Макгрегор ва Майкл Чендлер ўртасидаги қарама-қаршилик июнь ойининг охирида, UFC 303 доирасида бўлиб ўтиши эълон қилинган. Бироқ жангчилар иштирокидаги матбуот анжумани бекор қилинди. Ҳозирда ирландиялик спортчининг ўрнига октагонга чиқадиган жангчи қидирилаётгани ҳақида хабарлар мавжуд.
Ислом Махачев UFC 302 турнирида Дастин Порьега қарши октагонга кўтарилди. Доғистонлик спортчи 5-раундда Порьени бўғиш услубида мағлуб этди.
Изоҳ (0)