Farg‘ona viloyati Oltiariq tumanida uch nafar voyaga yetmagan bola suvga cho‘kib ketdi. Bu haqda Bosh prokuratura matbuot xizmati rahbari Hayot Shamsutdinov ma’lum qildi.
Qayd etilishicha, 5-iyun kuni Farg‘ona viloyati Oltiariq tumanidagi fermer xo‘jaligi yer maydonida joylashgan sunʼiy suv havzasiga cho‘milish uchun tushgan uch nafar voyaga yetmagan bola ehtiyotsizliklari oqibatida cho‘kib, vafot etgan.
Hozirda prokuratura tomonidan tergovga qadar tekshirish harakatlari olib borilmoqda.
Bunday ko‘ngilsiz hodisalarning oldini olish maqsadida cho‘milish ruxsat etilmagan, taqiqlangan, oqim tezligi yuqori bo‘lgan, chuqur, o‘ziga notanish bo‘lgan suv havzalarida cho‘milmaslik qoidalariga qatʼiy rioya qilishingizni so‘rab qolamiz, — deyilari prokuratura xabarida.
Aprel boshlarida Toshkentning Chilonzor tumanidan oqib o‘tuvchi Bo‘rijar kanalida 3 kishi cho‘kib ketgani to‘g‘risida xabar berilgandi. Yanvar oyi o‘rtalarida esa Sirdaryoda o‘quvchilar bo‘lgan Gentra kanalga tushib ketishi oqibatida egizaklar suvda halok bo‘lgan edi.
Izoh (0)