“JSTga qo‘shilish jarayoni o‘ta murakkab ekanini tushunamiz” — Saida Mirziyoyeva

Prezident yordamchisi Saida Mirziyoyeva Jahon savdo tashkilotiga qo‘shilish jarayonining o‘ta murakkab ekani haqida gapirdi.

Saida Mirziyoyeva JSTga qo‘shilish jarayoni o‘ta murakkab ekanini, hech bir davlat haqiqiy islohotlarsiz taraqqiyotga erisha olmasligini ta’kidladi.

Maqsad faqat O‘zbekistonning JSTga aʼzo bo‘lishigina emas. Hozirgi kunda amalga oshirilayotgan mashaqqatli, ammo juda muhim islohotlar, birinchi navbatda, iqtisodiyotimizni barqarorlashtirish, xalqimiz turmushini yaxshilashga qaratilgan.

Tashkilotga ham, butun dunyoga ham, bizning ancha takliflarimiz bor. Iste’dodli va iqtidorli yoshlarga boy, Markaziy Osiyo mintaqasida aholisi eng tez sur’atlarda o‘sayotgan mamlakat sifatida jahonga yangi g‘oyalar, o‘ziga xos tajribalar va xizmatlarni taqdim eta olamiz, — deydi prezident yordamchisi.

Avvalroq Saida Mirziyoyeva “O‘zbekistondagi iqtisodiy islohotlar va Jahon savdo tashkilotiga aʼzo bo‘lish jarayoni” konferensiyasi doirasida JST bosh direktori Ngozi Okonjo-Iveala bilan uchrashuv o‘tkazgani haqida xabar berilgan edi.

5-iyun kuni Jahon savdo tashkiloti, Jahon banki va Xalqaro valyuta jamg‘armasi ko‘magida o‘tkazilgan yuqori darajadagi konferensiya prezident yordamchisi O‘zbekistonning JSTga qo‘shilish yo‘lidagi shahdam qadamlari yana bir bor namoyon bo‘lganini qayd etdi.