Пойтахтнинг Сергели туманида 200 доллар пора олган ўқитувчига нисбатан суд ҳукми ўқилди. Бу ҳақда Тошкент шаҳар судлари хабар берди.
Қайд этилишича, 2024 йилнинг январь ойида Сергели туманидаги мактабларнинг бирида фаолият олиб бораётган аёл ўзи ишлаётган мактабга юқори лавозимга ишга ўтказиб қўйиш учун фуқародан 200 доллар олаёганида ушланган.
Шунча йиллик фаолиятимда бу каби ҳолат биринчи марта юз бераётгани, ўзим тушунмаган ҳолда аралашиб қолганимни эътиборга олишларингизни сўрайман, — дейди аёл судда.
Жиноят ишлари бўйича Сергели туман судида мазкур ҳолатга боғлиқ иш кўриб чиқилган. Айбланувчи Жиноят кодексининг 59-(бир неча жиноят содир этганлик учун жазо тайинлаш), 61-моддалари (жазоларни қўшишнинг ҳисоблаш қоидалари) билан айбли деб топилиб, 1 йил муддатга давлат таълим муассасаларининг раҳбарлик ва моддий жавобгарлик юклатилган лавозимларда ишлаш ҳуқуқидан маҳрум қилинди ҳамда 2 йил 1 ой муддатга озодликдан чеклаш жазоси тайинланди.
Бундан олдин Нукусда 65 минг доллар эвазига ДХХга ишга киритиб қўйишни ваъда қилган шахс ушлангани, Қашқадарёда прокуратура терговчиси 5 минг доллар пора билан қўлга тушгани тўғрисида хабар берилганди.
Изоҳ (0)