АҚШнинг Ўзбекистондаги элчихонасининг янги сайти иш бошлади. Бу ҳақда элчихона Telegram’даги каналида хабар берди.
Қайд этилишича, 10 июндан эътиборан, июль ва келгуси ойлар учун ноиммиграцион виза суҳбат ўрнини янги веб-сайтда белгилаш мумкин бўлади. Янги веб-сайт ишга тушгач, мижозлар онлайн виза суҳбат санасини белгилашдан аввал виза учун тўловни амалга оширишлари керак бўлади.
Шунингдек, Тошкентнинг марказида паспортларни тақдим этиш учун янги қулай жой ва қўшимча тўлов орқали Ўзбекистон бўйлаб ҳужжатни тўғридан тўғри уйга ёки офисга етказиш хизматини таклиф этишни бошлайди.
Аввалги суҳбат тизимидан фойдаланган ҳолда июнь ойи учун суҳбат санасини белгилаган виза мурожаатчилари, белгиланган санада виза суҳбатига келишлари ва виза учун тўловни бинонинг ичида суҳбатдан аввал амалга оширишлари керак бўлади.
Ушбу янги тизимнинг жорий этилиши, виза мурожаатчилари учун доимий равишда хизматларни яхшилаш учун қилаётган саъй-ҳаракатларининг бир қисмидир. Элчихона веб-сайти ушбу ўзгаришлар бўйича маълумотнинг энг яхши манбаи бўлиб қолади, — дейилади хабарда.
Эслатиб ўтамиз, Тошкентдаги АҚШ элчихонаси 2024 йилнинг 13 февралидан эътиборан, барча ноиммиграцион виза мурожаатчиларидан, айнан суҳбатга рўйхатдан ўтиш вақтида фойдаланилган DS-160 анкетасини суҳбат куни ҳам тақдим этишларини талаб қилишни бошлашлари ҳақида огоҳлантирган эди.
Изоҳ (0)