Афғонистон аҳолисининг учдан бир қисми очарчилик ёқасида — БМТ 

БМТнинг Жаҳон озиқ-овқат дастури Афғонистонда 43 миллион киши очарчилик ёқасида эканини маълум қилди. Бу ҳақда Hasht-e Subh Daily хабар берди.

Маълум қилинишича, қўшни республикада қашшоқлик ва очлик кенг тарқалмоқда. Мамлакат аҳолисининг учдан биридан кўпроғи озиқ-овқат етишмовчилигига дуч келмоқда.

“Афғонистонда фақат 100 киши истиқомат қилмайди. Мамлакатдаги 43 миллион кишининг учдан бири очлик билан курашмоқда”, — дейди Жаҳон озиқ-овқат дастури.

Афғонистонда бир ойда 160 минг ҳолатда оғир респиратор инфекция аниқланди

БМТнинг Болалар жамғармаси UNICEF Афғонистонда январь ойида 160 минг оғир респиратор инфекция ҳолати қайд этилганини маълум қилди. Бу статистика 2023 йилга нисбатан касаллик 16 фоизга ошганини кўрсатади. Беморларнинг 62 фоизи беш ёшгача бўлган болалардир, Афғонистондаги оғир респиратор инфекциянинг асосий сабаблари аномал совуқ ва ифлосланишдир.

Афғонистонда 9,5 миллионга яқин аҳоли тиббий хизматлардан фойдаланиш имкони бўлмаган ҳудудларда истиқомат қилади.