Bugungi kunda dunyoda yigirmadan ortiq qirollik oilalari mavjud. Quyida mazkur monarxiyalarning merosxo‘rlari va qirollik oilasi avlodlari haqida qisqacha ma’lumot beramiz.
Malika Leonor, Ispaniya
Malika Leonor bobosi taxtdan voz kechganidan so‘ng 2014-yilda hokimiyatni qo‘lga kiritgan qirol Filipp VI ning to‘ng‘ich farzandi. Uning bir nafar singlisi bor. Malika Leonor taxt uchun birinchi vorisdir.
Shahzoda Jorj, Buyuk Britaniya
Shahzoda Jorj 2013-yilda tug‘ilgan bo‘lib, shahzoda Uilyam va Keyt Middltonning to‘ng‘ich o‘g‘li, u Britaniya taxtiga otasidan keyin ilk nomzoddir.
Hamdan ibn Muhammad Al-Maktum, Dubay
Ertakdagi Oloviddinga qiyoslanadigan Hamdan ibn Muhammad 1982-yilda tug‘ilgan. Uning akasi Rashid 2008-yilda taxtdan voz kechgan va shundan beri u Dubay valiahd shahzodasi hisoblanadi. Hamdan keng jamoatchilikka tanish, chunki u ijtimoiy tarmoqlarda faol bo‘lib, internetda o‘zining dabdabali turmush tarzi bilan bo‘lishib keladi. Albatta, qirollik oilasi a’zosi o‘zining davlat vazifalarini unutmaydi va ko‘plab xayriya ishlari bilan shug‘ullanadi. 2019-yilda shahzoda amakisining qizi Shayxa bintu Said ibn Tani Al-Maktumga uylandi va 2021- yilda juftlik farzandli bo‘ldi.
Malika Estel, Shvetsiya
2012-yil 23-fevralda tug‘ilgan Malika Estel Shvetsiya malikasi Viktoriyaning to‘ng‘ich farzandi bo‘lib, taxtiga onasidan keyin ikkinchi o‘rindagi voris sanaladi. Uning to‘liq ismi Estel Silviya Yeva Meri.
Malika Elizabet, Belgiya
Belgiya malikasi Elizabet 2000-yil 25-oktyabrda tavallud topgan va qirollikda to‘ng‘ich farzanddir. Garchi uning aka-ukalari bo‘lsa-da, Belgiya taxtining birinchi vorisi hisoblanadi. Chunki Elizabet tug‘ilishidan 10 yil avval davlat qoidalariga o‘zgartirish kiritilgan. Malika golland, fransuz, nemis va ingliz tillarini biladi.
Shahzoda Kristian, Daniya
Shahzoda Kristian 2005-yilda tug‘ilgan bo‘lib, Daniya shahzodasi Frederikning to‘ng‘ich farzandi va qirolicha Margret II ning nabirasi. Otasidan keyin taxtga vorislik bo‘yicha ikkinchi o‘rinda turadi. Qizig‘i shundaki, 16-asrdan boshlab Daniya qirolligidagi barcha to‘ng‘ich o‘g‘illarga faqat Kristian yoki Frederik ismlari qo‘yib kelingan.
Shahzoda Jak, Monako
To‘liq ismi Jak Onore Renye Grimaldi bo‘lgan shahzoda 2014-yil 10-dekabrda tavallud topgan. Uning o‘zidan 2 daqiqa katta bo‘lgan malika Gabriella ismli egizak opasi bor.
Shahzoda Mulay Hassan, Marokash
Marokash shahzodasi Mulay Hassan 2003-yilda tug‘ilgan. Qirol Muhammad VI ning to‘ng‘ich farzandi sifatida u Marokash taxtining vorisi hisoblanadi. Shahzoda arab, fransuz, ingliz va ispan tillarida so‘zlashadi. Shuningdek, shahzoda iqtisod va ijtimoiy fanlar bo‘yicha xalqaro bakalavr darajasiga ega va kelajakda aviatsiya yo‘nalishida o‘qishni rejalashtirmoqda.
Malika Katarina-Amaliya, Niderlandiya
Katarina-Amaliya 2003-yilda tug‘ilgan. Uch nafar qizning to‘ng‘ichi, otasi 2013-yilda taxtga o‘tirganidan so‘ng u taxt vorisi bo‘ldi. Malika va uning opa-singillari qirollik oilasining a’zolari bo‘lishsa-da, ular oddiy o‘rta maktabda tahsil olishgan. Malika golland, ingliz va ispan tillarida gapiradi.
Malika Ingrid Aleksandra, Norvegiya
Malika Ingrid Aleksandra Norvegiya valiahd shahzodasi Xokonning to‘ng‘ich farzandi. U 2004-yilda tug‘ilgan va hozirda otasidan keyin ikkinchi o‘rinda turadi. Agar u taxtga o‘tirsa, 15-asrda taxtni egallagan qirolicha Margaretdan keyingi Norvegiyaning ikkinchi malikasiga aylanadi.
Izoh (0)