Ўзбекистонда солиқ тўловчилар 4 ойда 10 трлн сўмга яқин солиқ имтиёзларидан фойдаланди. Бу ҳақда Солиқ қўмитаси хабар берди.
Унга кўра, 2024 йилнинг январь—апрель ойларида 122 107 та ташкилот 9,9 триллион сўм миқдорда солиқ имтиёзларидан фойдаланган. Шу билан бирга:
- 2 442 та корхона молиявий хизматлар бўйича 6,3 триллион сўмдан ортиқ ҚҚСсиз операциялар амалга оширган;
- 5 423 та корхона 10,2 триллион сўмдан зиёд ҚҚС “нол” ставкасини қўллаган.
Солиқ турлари кесимида фойдаланилган солиқ имтиёз суммалари:
- ҚҚС – 4,9 триллион сўм;
- ер солиғи – 1,9 триллион сўм;
- фойда солиғи – 1,3 триллион сўм;
- мол-мулк солиғи – 793,1 млрд сўм;
- ижтимоий солиқ – 756,9 миллиард сўм;
- ЖШОДС – 297,5 миллиард сўм
- АОС – 50,1 миллиард сўм;
- сув ресурсларидан фойдаланганлик учун солиқ – 19,9 миллиард сўм.
Халқаро экспертлар хулосасига асосан, ҚҚС бўйича молиявий хизматлар ва “нол” ставка ҳисоби алоҳида юритилади.
Эслатиб ўтамиз, 1 апрелдан ҚҚС бўйича айрим имтиёзлар бекор қилинади. Яъни қуйидагилар ҚҚСга тортилади.
савдо айланмаси бўйича:
- тиббий хизматлар;
- ветеринария хизматлари;
- дори воситалари;
- ветеринария дори воситалари, тиббиёт ва ветеринария учун мўлжалланган буюмлар.
Ўзбекистон ҳудудига олиб киришда:
- дори воситалари;
- ветеринария дори воситалари;
- тиббиёт ва ветеринария учун мўлжалланган буюмлар;
- шунингдек, қонунчиликда белгиланадиган рўйхат бўйича олиб кириладиган хом ашё.
Аҳолига кўрсатиладиган хизматларни реализация қилиш бўйича:
- сув таъминоти;
- канализация;
- санитария жиҳатдан тозалаш;
- иссиқлик таъминоти.
Аввал ушбу хизматларни кўрсатиш бўйича айланмага ҚҚСнинг “нол” даражали ставкаси қўлланган.
Изоҳ (0)