Шифокорлар сақичнинг яна бир хавфи ҳақида огоҳлантирди

Гастроэнтеролог Ари Ламет ва педиатр Керри Фроммер Фаирстейн Fox News нашрига берган интервьюсида сақичнинг жиддий зарари ҳақида сўзлаб берди ва уни ютиб юбориш ичаклар фаолияти билан боғлиқ турли хасталиклар келтириб чиқариши ҳақида огоҳлантирди.

Мутахассисларнинг фикрича, умуман олганда, сақич чайнашнинг хавфли зарари йўқ. Агар у ютиб юборилса, ҳазм бўлмай ичакларга тушади ва бир сутка ичида танадан табиий равишда чиқиб кетади. Бироқ баъзи ҳолатларда ютилган сақич тиқилиб қолиши ва ичакдан ўтмаслигига олиб келиши мумкин.

“Агар сизда ошқозон-ичак тракти жарроҳлик амалиёти ўтказилган ёки аввал ичакларда блокада ҳосил бўлган бўлса, сақични эҳтиёткорлик билан чайнаш ва ютиб юбормасликни тавсия қиламиз”, — дейди гастроэнтеролог.

Педиатр Керри Фаирстейн қайд этишича, тез-тез сақични ютиб юборадиган шахсларда ичакда тўсиқ ҳосил бўлиш хавфи бир неча маротаба ортади. Бу одат ошқозонга ортиқча ҳаво киришига сабаб бўлади ва қорин дам бўлиши ва оғриқларни юзага келтиради.