Лойиҳа устида Америка компанияси ишламоқда, бунга қадар у машҳур Universal Studios, Lotte World (Жанубий Корея) парклари ва дунёдаги энг йирик усти ёпиқ парк – Хитойдаги Chimelong’ни лойиҳалаштирган. Ўзбекистонда парк жойлашадиган ҳудуд ҳозирча аниқ белгиланмади. Инвестициялар 200 млн АҚШ долларидан кўпроқни ташкил қилади.
Янги парк The Grand Serai номини олади. Ўзгача бўлган мажмуа таркибига бир вақтда бир қанча халқаро тоифадаги объектлар – мавсум танламас аквапарк, аттракционлар парки, меҳмонхона, савдо галереяси, ресторанлар ва фудкортлар, рекреацион пляж ҳудуди киради.
Мажмуа майдони 28 гектарни ташкил қилади, шундан 20 гектарини аквапарк эгаллайди.
Паркни лойиҳалаштириш ва қуришга инвестициялар ҳажми 200 миллион АҚШ долларидан зиёд.
Махсус The Grand Serai парки учун Американинг Legacy Entertainment компанияси 20 дан ортиқ ноёб ва ҳайратланарли аттракционларни ишлаб чиқди.
Улар дунёда биринчи марта 3D маппинг инновацион технологиялари қўлланиладиган тунги театрлаштирилган акробатик шоунинг узвий элементи бўлади. Проексиявий маппинг объект геометриясини “ўқиш” имконини беради ва уни “жонлантиради”, бу билан ажойиб иллюзиялар ва ҳаракатдаги пефроманслар яратади. The Grand Serai учун шоу ишлаб чиқиш Дю Солей цирки мутахассисларини жалб қилган ҳолда амалга оширилмоқда.
-Twp-PRNK.jpg)
Парк архитектура концепцияси Ўзбекистон тарихи ва анъаналари асосида қурилган. Лойиҳани амалга ошириш билан Akfa Group компаниялар гуруҳи Wаy II инвестицион бошқарув компанияси билан ҳамкорликда шуғулланмоқда.
Ташкилотчиларнинг билдиришларича, The Grand Serai шаҳарнинг ташриф қоғозига айланади. Ҳозирда лойиҳа манзилни танлаш босқичида турибди.
Ўзбекистондаги илк халқаро даражадаги кўнгилочар парк қандай бўлишини бу ерда томоша қилиш мумкин.
Изоҳ (0)