O‘zbekistonda Markaziy Osiyodagi eng yirik tematik park barpo etiladi

Loyiha ustida Amerika kompaniyasi ishlamoqda, bunga qadar u mashhur Universal Studios, Lotte World (Janubiy Koreya) parklari va dunyodagi eng yirik usti yopiq park – Xitoydagi Chimelong’ni loyihalashtirgan. O‘zbekistonda park joylashadigan hudud hozircha aniq belgilanmadi. Investitsiyalar 200 mln AQSh dollaridan ko‘proqni tashkil qiladi.

Yangi park The Grand Serai nomini oladi. O‘zgacha bo‘lgan majmua tarkibiga bir vaqtda bir qancha xalqaro toifadagi obyektlar – mavsum tanlamas akvapark, attraksionlar parki, mehmonxona, savdo galereyasi, restoranlar va fudkortlar, rekreatsion plyaj hududi kiradi.

Majmua maydoni 28 gektarni tashkil qiladi, shundan 20 gektarini akvapark egallaydi.

Parkni loyihalashtirish va qurishga investitsiyalar hajmi 200 million AQSh dollaridan ziyod.

Maxsus The Grand Serai parki uchun Amerikaning Legacy Entertainment kompaniyasi 20 dan ortiq noyob va hayratlanarli attraksionlarni ishlab chiqdi.

Ular dunyoda birinchi marta 3D mapping innovatsion texnologiyalari qo‘llaniladigan tungi teatrlashtirilgan akrobatik shouning uzviy elementi bo‘ladi. Proyeksiyaviy mapping obyekt geometriyasini “o‘qish” imkonini beradi va uni “jonlantiradi”, bu bilan ajoyib illyuziyalar va harakatdagi pefromanslar yaratadi. The Grand Serai uchun shou ishlab chiqish Dyu Soley sirki mutaxassislarini jalb qilgan holda amalga oshirilmoqda.

Park arxitektura konsepsiyasi O‘zbekiston tarixi va an’analari asosida qurilgan. Loyihani amalga oshirish bilan Akfa Group kompaniyalar guruhi Way II investitsion boshqaruv kompaniyasi bilan hamkorlikda shug‘ullanmoqda.

Tashkilotchilarning bildirishlaricha, The Grand Serai shaharning tashrif qog‘oziga aylanadi. Hozirda loyiha manzilni tanlash bosqichida turibdi.

O‘zbekistondagi ilk xalqaro darajadagi ko‘ngilochar park qanday bo‘lishini bu yerda tomosha qilish mumkin.