Россия президенти Владимр Путиннинг давлат ташрифи доирасида Кўксарой қароргоҳида икки давлат раҳбарлари иштирокида ҳужжатларни алмашиш маросими бўлиб ўтди.
Маросимда Ўзбекистон инвестициялар, саноат ва савдо вазири Лазиз Қудратов ва Россия иқтисодий ривожланиш вазирлигининг Бутунроссия ташқи савдо академияси (ВАФТ) ректори Идрисова Виттория ўртасида ўзаро англашув ва ҳамкорлик тўғрисида келишув билан алмашилди.
Келишувларга мувофиқ, Ўзбекистон Республикаси Инвестициялар, саноат ва савдо вазирлиги ҳузурида BTSА филиали ташкил этилади.
Шу билан бирга, 2024/2025 ўқув йилидан бошлаб Тошкент давлат иқтисодиёт университети билан биргаликда ташкил этилаётган қўшма факультет доирасида ташқи иқтисодий фаолият ва MBA йўналишлари бўйича қўшма магистратура дастурларини яратиш, давлат органлари мутахассислари ва бизнес вакилларини тайёрлаш режалаштирилган.
Давлат хизмати бошқарув ходимлари учун халқаро маркетинг таҳлили, маҳаллий маҳсулотларни янги истиқболли ташқи бозорларга чиқариш ва илгари суриш стратегиясини ишлаб чиқиш, хорижий ҳамкорлар билан ишбилармонлик алоқаларини давом эттириш учун чет тилларини ўрганиш ва бошқа йўналишларда қайта тайёрлаш ва малакасини ошириш бўйича ўқув дастурлари яратилади.
Изоҳ (0)