Навоий вилоятида 1 025 метр куб ҳажмдаги мармарни ноқонуний қазиб олиш ҳолати аниқланди. Бу ҳақда Прокуратура департаменти хабар берди.
Унга кўра, ҳолат Бош прокуратура ҳузуридаги департаментнинг Ғозғон шаҳар бўлими томонидан ўтказилган терговга қадар текширувда аниқланган. “Ф-Ж.” МЧЖ масъул шахслари “Мармаробод” МФЙ ҳудудидаги “Бўшанг Ўрикзор” мармар конидан ҳеч қандай рухсатнома олмасдан, 1 025 метр куб ҳажмдаги мармарни ноқонуний қазиб олиб, давлат ва жамият манфаатларига 235,9 миллион сўм зарар етказган.
Мазкур ҳолат юзасидан Жиноят кодексининг 229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.
Изоҳ (0)