Ўзбекистонда “маҳалла еттилиги” фаолиятини баҳолаш механизми такомиллаштирилади. Бу бўйича ҳукуматнинг янги қарори қабул қилинди.
Ҳужжатда қайд этилишича, маҳалладаги ҳоким ёрдамчиси, ёшлар етакчиси, хотин-қизлар фаоли, профилактика инспектори, ижтимоий ходим ва солиқ инспектори фаолиятини баҳолашда маҳалла раисларининг мақомини ошириш зарурлигини тақозо этмоқда.
Президентнинг 2023 йил 21 декабрдаги фармонида “маҳалла еттилиги”нинг фаолияти энг муҳим самарадорлик кўрсаткичлари (KPI) бўйича баҳоланиши белгиланган. Бунда маҳалла раислари ҳоким ёрдамчиси, ёшлар етакчиси, хотин-қизлар фаоли, профилактика инспектори, ижтимоий ходим ва солиқ инспектори фаолиятини баҳолашда уларга 20 фоиз балл беришга ҳақли.
“Маҳалла еттилиги” аъзолари иш ҳақини асосий иш жойидан бериш тартиби сақлаб қолинган ҳолда KPI асосида баҳолаш натижаларидан келиб чиқиб моддий рағбатлантирилиб борилади.
Маҳалла раиси ва “Маҳалла еттилиги” аъзоларининг фаолиятини энг муҳим самарадорлик кўрсаткичлари бўйича баҳолашда бошқа кўрсаткичлар билан бир қаторда ҳар ойлик иш режаларининг амалда бажарилиш ҳолати ҳам инобатга олинади.
Изоҳ (0)