Navoiy viloyatida 1 025 metr kub hajmdagi marmarni noqonuniy qazib olish holati aniqlandi. Bu haqda Prokuratura departamenti xabar berdi.
![](/static/2024/05/23/mr-_rv87Hg0.jpg)
Unga ko‘ra, holat Bosh prokuratura huzuridagi departamentning G‘ozg‘on shahar bo‘limi tomonidan o‘tkazilgan tergovga qadar tekshiruvda aniqlangan. “F-J.” MCHJ mas’ul shaxslari “Marmarobod” MFY hududidagi “Bo‘shang O‘rikzor” marmar konidan hech qanday ruxsatnoma olmasdan, 1 025 metr kub hajmdagi marmarni noqonuniy qazib olib, davlat va jamiyat manfaatlariga 235,9 million so‘m zarar yetkazgan.
Mazkur holat yuzasidan Jinoyat kodeksining 229-moddasi (o‘zboshimchalik) bilan jinoyat ishi qo‘zg‘atilib, tergov harakatlari o‘tkazilmoqda.